മുംബൈ : യുവ വിക്കറ്റ് കീപ്പര് ബാറ്റ്സ്മാന് ഋഷഭ് പന്തിന് വിക്കറ്റ് കീപ്പിംഗില് പ്രത്യേകം പരിശീലനം നല്കുമെന്ന് സെലക്ഷന് കമ്മിറ്റി ചെയര്മാന്. മുന് വിക്കറ്റ് കീപ്പര് കിരണ് മോറെ പന്തിന്റെ പരിശീലകനാവാന് സന്നദ്ധത അറിയിച്ചുട്ടുണ്ടെന്നും പ്രസാദ് വ്യക്തമാക്കി.
മികച്ച ബാറ്റ്സ്മാനാണ് ഋഷഭ് പന്ത്. ഇംണ്ടിലും ഓസ്ട്രേലയയിലും ഇക്കഴിഞ്ഞ പരമ്പരയിലും ഇത് വ്യക്തമാണ്. വിക്കറ്റ് കീപ്പിംഗിലാണ് പന്ത് മെച്ചപ്പെടാനുള്ളത്. ഇതിന് വേണ്ടിയാണ് പ്രത്യേക പരിശീലനം നല്കുന്നത്. വിന്ഡീസിനെതിരെ ഏകദിന പരമ്പരയിലും മോശം കീപ്പിങ്ങിന്റെ പേരില് വലിയ വിമര്ശനം ഋഷഭ് പന്തിന് നേരെ ഉയര്ന്നത്.
കട്ടക്ക് ഏകദിനത്തില് പന്ത് മൂന്ന് ക്യാച്ച് വിട്ടുകളഞ്ഞിരുന്നു. പന്ത് നന്നായി ഡ്രോപ്പ് ചെയ്യുന്നുണ്ട്. ക്രിക്കറ്റില് നിന്ന് വിരമിച്ചാല് അദ്ദേഹത്തിന് യൂബര് ഡ്രൈവര് ആകാമെന്നും ട്രോളുകള് പ്രത്യക്ഷപ്പെട്ടിരുന്നു.
എന്നാല് പന്തിനെ പിന്തുണച്ച് വിന്ഡീസ് ഇതിഹാസം ബ്രയാന് ലാറ രംഗത്ത് എത്തി. പന്തിന് അനാവിശ്യമായ സമ്മര്ദങ്ങളുണ്ട്. ഞാന് 22 വയസ്സായിരിക്കുമ്പോള് ഇത്രത്തോളം സമ്മര്ദമുണ്ടയിരുന്നില്ല. ഞാന് ബഞ്ചിലാണ് ഇരുന്നിരുന്നത്. അന്താരാഷ്ട്ര മത്സരങ്ങള് കളിക്കാനായി തയ്യാറെടുക്കുകയായിരുന്നു ആ സമയം. സ്വതന്ത്രമായി കളിക്കാനുള്ള അവസരം പന്തിന് ഒരുക്കണം എന്നും ലാറ പറഞ്ഞു.
