തിരുവനന്തപുരം : പൗരത്വ ഭേദഗതി നിയമവുമായി വിവാദം കത്തുന്നതിനിടെ കേരള ഗവര്ണര് ആരഫ് ഖാനെ പരസ്യ സംവാദത്തിന് വെല്ലുവിളിച്ച് സലീം മടവൂര്. ലോകതാന്ത്രിക യുവ ജനതാദള് സംസ്ഥാന പ്രസിഡന്റാണ് സലീം. ദേശീല ചരിത്ര കോണ്ഗ്രസില് ഗവര്ണര്ക്കെതിരെ ഉയര്ന്ന പ്രതിഷേധം വന് വിവാദത്തിന് തിരികൊളുത്തിയ ഘട്ടത്തിലാണ് സലീം മടവൂര് വെല്ലുവിളിച്ചിരിക്കുന്നത്.
ഗവര്ണര് സര്, സിഎഎയുമായി ബന്ധപ്പെട്ട് വാദപ്രതിവാദത്തിനും സംസാരത്തിനും ഞാന് തയ്യാറാണ്. താങ്കള് പറയുന്ന എവിടെയും വരാന് തയ്യാറാണ്. മാധ്യമപ്രവര്ത്തകരെ ഇത് റിപ്പോര്ട്ട് ചെയ്യാന് അനുവദിക്കണമെന്ന നിബന്ധന മാത്രമേ എന്നിക്കുള്ളൂ. അദ്ദേഹം ട്വിറ്ററില് കുറിച്ചു.
ദേശീയ ചരിത്ര കോണ്ഗ്രസില് നടന്ന സംഭവങ്ങള്ക്ക് ശേഷം ഇന്ന് ചീഫ് സെട്രക്കറി ടോം ജോസിനെ വിളിച്ച് വരുത്തി ഗവര്ണര് അതൃപ്തി അറിയിച്ചിരുന്നു. വൈകീട്ട് രാജഭവനില് എത്തി ചീഫ് സെക്രട്ടറി നീണ്ട് കൂടിക്കാഴ്ച നടത്തി മടങ്ങി. ചരിത്ര കോണ്ഗ്രസില് പ്രതിഷേധക്കാര്ക്ക് കെകെ രാഗേഷ് എം പിയടക്കം പിന്തുണ കൊടുത്ത സംഭവത്തില് ഗവര്ണര്ക്ക് അതൃപ്തിയുണ്ട്. പ്രതിഷേധത്തിന്റെ സാഹചര്യത്തില് കണക്കിലെടുത്ത് വേണ്ട മുന്നൊരുക്കങ്ങള് നടത്തിയില്ലെന്ന പരാതിയാണ് ഗവര്ണര്ക്കുള്ളത്.
