ലോകത്തിലെ ഏറ്റവും മികച്ച ആഡംബര നാഹന നിര്മാതാക്കളാണ് മെഴ്സിഡീസ് ബെന്സ്. കമ്പനിയുടെ ലോകമെങ്ങും ആരാധകരുള്ള എസ് യുവികളില് ഒന്നാണ് ജി63 എഎംജി അഥവാ ജി വാഗണ്. എന്നാല് ഈ വാഹനം മോശമാണെന്ന് വറഞ്ഞ് വ്യത്യസ്ത പ്രതിഷേധവുമായി രംഗത്തെത്തിയിരിക്കുകയാണ് ഒരു യുവാവ്. ഹെലികോപ്റ്ററില് കെട്ടത്തൂക്കി 1000 ആടി ഉയരത്തില് നിന്നും വാഹനം താഴേക്ക് ഇട്ടാണ് യുവാവ് പ്രതിഷേധിച്ചത്.
റഷ്യന് സ്വദേശിയും വ്ലോഗറുമായ മോറോസ് ഇഗോ എന്ന യുവാവാണ് ഇത്തരം വ്യത്യസ്ത പ്രതിഷേധത്തിന് പിന്നില്. വാഹനം നശിപ്പിക്കുന്നതിന്റെ വീഡിയോ ഇദ്ദേഹം യൂട്യൂബില് അപ്ലോഡ് ചെയ്യുകയും ചെയ്തു. വാഹനത്തിന്റെ പ്രകടനത്തില് താന് തൃപ്തനല്ലെന്നും വാഹനം സര്വീസിനെത്തിച്ചപ്പോള് വാറന്റി കാലാവധി അവസാനിച്ചെന്ന് കാണിച്ച് ഷോറൂം ജീവനക്കാര് വാഹനം നന്നാക്കി നല്കാന് വിസമ്മതിക്കുകയും ചെയ്തെന്ന് മോറോസ് ആരോപിക്കുന്നു. ഇതേ തുടര്ന്നാണ് വാഹനം നശിപ്പിക്കാന് തീരുമാനിച്ചതെന്നും ഇദ്ദേഹം പറയുന്നു.
അതേസമയം 1000 അടി ഉയരത്തില് നിന്ന് വാഹനം താഴെയിടുമെന്ന് തന്റെ സുഹൃത്തുമായി പന്തയം വച്ചതിനെ തുടര്ന്നാണ് മോറോസ് ഇത്തരത്തില് ചെയ്തതെന്ന ആരോപണവും ഉയരുന്നുണ്ട്. വിഡിയോ വൈറലായതിനെ തുടര്ന്ന് റഷ്യന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
