സൗബിന് ഷാഹിര് സംവിധാനം ചെയ്ത അമ്പിളി എന്ന ചിത്രത്തിലൂടെ സിനിമയിലേക്ക് എത്തി പ്രേക്ഷക ശ്രദ്ധ നേടിയ താരമാണ് തന്വി റാം. ആദ്യ കഥാപാത്രം തന്നെ ശ്രദ്ധിക്കപ്പെട്ടു. തുടര്ന്ന് അന്യ ഭാഷയില് നിന്നും നിരവധി ചിത്രങ്ങളാണ് നടിയെ തേടിയെത്തിയത്. എന്നാല് അന്യഭാഷകളിലെ ചിത്രങ്ങളില് അഭിനയിക്കാന് വിട്ടുവീഴ്ചകള്ക്ക് തയ്യാറല്ലെന്ന് വ്യക്തമാക്കിയിരിക്കുകയാണ് തന്വി ഇപ്പോള്.
തമിഴില് നിന്നടക്കം അന്യഭാഷാ സിനിമയിലെ ഗ്ലാമറസ് റോളുകളിലേക്ക് കോളുകള് വരുന്നുണ്ടെന്നും പലതും സെന്സിറ്റീവ് വിഷയങ്ങളാണെന്നും തന്വി പറയുന്നു. തല്ക്കാലം അത്തരം സെന്സിറ്റീവ് സിനിമകള് ചെയ്യേണ്ട എന്നാണ് തീരുമാനിച്ചിരിക്കുന്നതെന്നും കുറച്ച് നല്ല ക്യാരക്ടര് റോളുകള് ചെയ്ത ശേഷം അത്തരം റോളുകളെ കുറിച്ച് ആലോചിക്കാം എന്ന് തോന്നുന്നുവെന്നും തന്വി ഒരു അഭിമുഖത്തില് വ്യക്തമാക്കി. ഏത് സിനിമ ചെയ്യണം വേണ്ട എന്നു തീരുമാനിക്കുന്നതൊക്കെ തന്റെ ശരികളാണെന്നും തന്വി പറഞ്ഞു.
ജൂഡ് ആന്റണി ജോസഫ് പ്രളയത്തെ ആസ്പദമാക്കി ഒരുക്കുന്ന 2403 ഫീറ്റ് എന്ന് പേരിട്ടിരിക്കുന്ന ചിത്രത്തില് തന്വി നായികയായി എത്തുകയാണ്. ടൊവിനോയാണ് ചിത്രത്തില് നായകനായെത്തുന്നത്. 2018ല് കേരളം നേരിട്ട പ്രളയത്തെ ആസ്പദാക്കിയാണ് ചിത്രം ഒരിക്കിയിരിക്കുന്നത്.
