സംവിധായകന് പ്രിയദര്ശന്റെയും നടി ലിസിയുടെയും മകളായ കല്യാണി പ്രിയദര്ശന് അഭിനയ മേഖലയില് സജീവമാകുകയാണ്. തെലുങ്കില് സജീവമായ താരം മലയാള സിനിമയിലും ഉടന് തന്നെ സജീവമാകാനുള്ള ഒരുക്കത്തിലാണ്. പിതാവ് പ്രിയദര്ശന്റെ ബ്രഹ്മാണ്ഡ ചരിത്ര സിനിമയായ മരക്കാര് അറബിക്കടലിന്റെ സിംഹത്തില് സുപ്രധാന വേഷത്തില് കല്യാണി എത്തുന്നുണ്ട്. തന്റെ കളിക്കൂട്ടുകാരന് പ്രണവാണ് മരക്കാര് അറബിക്കടലിന്റെ സിംഹത്തില് കല്യാണിയുടെ നായകനായി എത്തുന്നത്.
മരക്കാര് പൂര്ത്തിയാക്കിയതിന് പിന്നാലെയായാണ് അനൂപ് സത്യന് ചിത്രമായ വരനെ ആവശ്യമുണ്ട് സിനിമയില് ദുല്ഖറിന്റെ നായികയായി കല്യാണി എത്തിയത്. ശോഭനയുടെ മകളായാണ് ഈ ചിത്രത്തില് കല്യാണി അഭിനയിച്ചത്. മലയാള സിനിമയിലെ രണ്ട് താരപുത്രന്മാരോടൊപ്പമാണ് ഈ താരപുത്രി അഭിനയിക്കുന്നത്. ഇപ്പോള് ഇതേ കുറിച്ച് ടൈംസ് ഓഫ് ഇന്ത്യയ്ക്ക് നല്കിയ അഭിമുഖത്തിലും കല്യാണി തുറന്നു പറഞ്ഞു.
'' കുട്ടിക്കാലം മുതലേ തന്നെ പ്രണവിനെ അറിയാം. ഒരുമിച്ചുള്ള അഭിനയം എളുപ്പമായിരുന്നു. ഈ സിനിമയുടെ സെറ്റിലേക്കെത്തിയപ്പോഴാണ് ദുല്ഖര് സല്മാനെ കണ്ടത്. ഒടുവില് നമ്മള് കണ്ടുമുട്ടിയല്ലേയെന്നായിരുന്നു അദ്ദേഹം ആദ്യം ചോദിച്ചത്. കുട്ടിക്കാലത്ത് ചില ചടങ്ങുകളിലൊക്കെ കണ്ടിരുന്നുവെങ്കിലും സംസാരിച്ചിട്ടില്ലായിരുന്നു'' കല്യാണി പറയുന്നു.
