ആദ്യ സിനിമയായ മാമാങ്കത്തിലെ ഉണ്ണമായയായി പ്രേക്ഷക മനസില് ഇടം നേടിയ താരമാണ് പ്രാച്ചി തെഹ്ലാന്. സോഷ്യല് മീഡിയയില് സജീവമായ താരത്തിന്റെ ഫേസ്ബുക്ക് പോസ്റ്റാണ് ഇപ്പോള് ചര്ച്ച. മോഹന്ലാലിനും ജീത്തു ജോസഫിനുമൊപ്പവും നില്ക്കുന്ന ചിത്രങ്ങളാണ് താരം പോസ്റ്റ് ചെയ്തത്. ഇതോടെയാണ് മോഹന്ലാലിന്റെ പുതിയ സിനിമയായ റാമില് നായികയായെത്തുന്നത് പ്രാചിയാണോ എന്ന തരത്തിലുള്ള ചര്ച്ചകള് ഉയരുന്നത്.
മോഹന്ലാലിനെ കണ്ടുമുട്ടിയ അനുഭവം മനോഹരമായ കുറിപ്പിലൂടെയാണ് പ്രാചി വിവരിച്ചത്. ജീവിതത്തിലെ അവസാന ശ്വാസം വരെ ഈ നിമിഷം ഓര്മ്മയിലുണ്ടാകുമെന്നും മോഹന്ലാല് റാമിലേക്ക് തന്റെ പേര് നിര്ദേശിച്ചുണ്ടെന്നും കുറിച്ചും പ്രാചി കുറിച്ചു.
കുറിപ്പിന്റെ പൂര്ണരൂപം
ഇന്ത്യന് സിനിമയിലെ മറ്റൊരു ലെജന്റിനെ കണ്ടുമുട്ടി. ലാലേട്ടന്... ഊര്ജ്വസ്വലനും സുന്ദരനുമായ അദ്ദേഹത്തോട് ആരാധന തോന്നിപ്പോകും. ദീര്ഘ നേരം നീണ്ടുനിന്നില്ലെങ്കിലും കുറച്ച് നേരത്തെ സംസാരത്തിനൊടുവില് അദ്ദേഹം എന്നോട് ഒരു കാര്യം പറഞ്ഞു. മാമാങ്കം കണ്ടിരുന്നുവെന്നും എന്റെ പേര് റാം എന്ന സിനിമയിലേക്ക് നിര്ദേശിച്ചിട്ടുണ്ടെന്നും അദ്ദേഹം പറഞ്ഞത് വലിയ അംഗീകാരവും പ്രചോദനവുമായിരുന്നു. റാം സിനിമയില് ഞാന് അഭിനയിക്കുമോ എന്ന് ചോദിക്കുന്നവരോടായി.. ഇതുവരെ തീരുമാനിച്ചിട്ടില്ല. തിരക്കഥ വായിച്ച ശേഷമേ അങ്ങനെയൊരു തീരുമാനത്തില് എത്തുകയുള്ളൂ. എന്തായാലും ഒരു കാര്യം ഉറപ്പാണ്, ഇതൊരു സ്നേഹം നിറഞ്ഞ മികച്ച ടീമാണ്. അവരോടൊപ്പം പ്രവര്ത്തിക്കാന് എനിക്ക് വളരെയധികം ഇഷ്ടവുമാണ്.
