എംജിആറായുള്ള നടന് അരവിന്ദ് സ്വാമിയുടെ വേഷപ്പകര്ച്ചയാണ് ഇപ്പോള് സോഷ്യല്മീഡിയയിലെ പ്രധാന ചര്ച്ച. ഇത്ര കൃത്യമായി എങ്ങനെയാണ് തലൈവറാവാന് അരവിന്ദ് സ്വാമിക്ക് കഴിഞ്ഞതെന്നാണ് പലരുടേയും സംശയം. ഇപ്പോള് അതിനുള്ള ഉത്തരം പുറത്തുവന്നിരിക്കുകയാണ്. അരവിന്ദ് സ്വാമിയുടെ വേഷപ്പകര്ച്ചയ്ക്ക് പിന്നില് മലയാളത്തിന്റെ പ്രിയപ്പെട്ട മേക്കപ്പ് ആര്ട്ടിസ്റ്റ് പട്ടണം റഷീദാണ്.
അരവിന്ദ് സ്വാമിയുടെ ഹെയര്സ്റ്റൈലും മേക്കപ്പും വസ്ത്രധാരണവുമെല്ലാം എംജിആറിനെ ഓര്മ്മിപ്പിക്കുന്നതാണ്. എംജിആറിന്റെ രൂപത്തിലേക്ക് അരവിന്ദ് സ്വാമിയെ കൊണ്ടുവന്ന പട്ടണം റഷീദിനെ ആശംസിക്കുകയാണ് സൈബര്ലോകം. അരവിന്ദ് സ്വാമിയും പട്ടണം റഷീദും ഒന്നിച്ചുനില്ക്കുന്ന ചിത്രമാണ് ഇപ്പോള് സോഷ്യല് മീഡിയയില് വൈറലാവുന്നത്.
തമിഴ്നാട് മുന് മുഖ്യമന്ത്രി ജയലളിതയുടെ ജീവിതം പ്രമേയമാക്കി സംവിധായകന് എ.എല് വിജയ് ഒരുക്കുന്ന തലൈവിയിലെ അരവിന്ദ് സ്വാമി അവതരിപ്പിക്കുന്ന എംജിആറിന്റെ പുത്തന് ലുക്കാണ് പുറത്ത് വന്നത്. എംജിആറിന്റെ ഗാനത്തിന്റെ പുനരാവിഷ്കരണം നടത്തിയാണ് ക്യാരക്ടര് ടീസര് പുറത്തുവിട്ടത്. ടീസര് അമ്പരന്നരിക്കുകയാണ്. അത്രത്തോളം സാമ്യതയാണ് കണ്ടവര്ക്ക് ചൂണ്ടിക്കാണിക്കാനുള്ളത്.
മദ്രാസ് പട്ടണം, ദൈവതിരുമകന് എന്നീ സിനിമകളൊരുക്കി ശ്രദ്ധനേടിയ സംവിധായകനാണ് എഎല് വിജയ്. ചിത്രത്തില് ജയലളിതയായി എത്തുന്നത് ബോൡവുഡ് നടി കങ്കണ റണൗട്ടാണ്. 'മണി കര്ണിക ദ ക്യൂന് ഓഫ് ഝാന്സി' എന്ന ചരിത്ര സിനിമയുടെ വിജയത്തിന് പിന്നാലെയാണ് കങ്കണ ജയലളിതയുടെ ജീവിതം സ്ക്രീനില് അവതരിപ്പിക്കുന്നത്.
തലൈവിക്കായി രചന നിര്വ്വഹിക്കുന്നത് കെ വി വിജയേന്ദ്രപ്രസാദും രജത് അറോറയും ചേര്ന്നാണ്. എംജിആര് 1987 വരെയുള്ള പുതുവര്ഷക്കാലത്തോളം തമിഴ്നാട് മുഖ്യമന്ത്രിയായിരുന്നു. അദ്ദേഹം ജയലളിതയുടെ ജീവിതത്തില് നിര്ണായക സ്വാധീനം ചെലുത്തിയ വ്യക്തികൂടിയാണ്. രാഷ്ട്രീയക്കാരന് എന്നതിനപ്പുറം സിനിമാതാരം കൂടിയായിരുന്നു ഇരുവരും.
