ആലപ്പുഴ : സംസ്ഥാന ജനറല് സെക്രട്ടറി സുഭാഷ് വാസുവിനെ ബിഡിജെഎസില് നിന്നും പുറത്താക്കി. പാര്ട്ടി പ്രാഥമിക അംഗത്വത്തില് നിന്നാണ് പുറത്താക്കിയത്. ചേര്ത്തലയില് ചേര്ന്ന സംസ്ഥാന കൗണ്സിലേന്റേതാണ് തീരുമാനം.
സംഘടനാ വിരുദ്ധ പ്രവര്ത്തനത്തിനാണ് പുറത്താക്കലെന്നും വ്യാജരേഖ ചമച്ച് സാമ്പത്തിക ക്രമക്കേട് നടത്തിയെന്നും കണ്ടെത്തിയെന്നും തുഷാര് വെള്ളാപ്പള്ളി മാധ്യമങ്ങളോട് പ്രതികരിച്ചു.
കേരളം കണ്ട ഏറ്റവും വലിയ ഫ്രോഡാണ് സുഭാഷ് വാസു. ചതിയുടെ വലിയൊരു നിര തന്നെയാണ് അദ്ദേഹത്തില് നിന്നും ഉണ്ടായിരിക്കുന്നതന്നും ഞങ്ങള്ക്ക് പറ്റിയ ഏറ്റവും വലിയ തെറ്റാണ് സുഭാഷ് വാസുവെന്നും വെള്ളാപ്പള്ളി പറഞ്ഞു. സ്പൈസസ് ബോര്ഡ് ചെയര്മാന് സ്ഥാനത്തു നിന്നും നീക്കാന് കേന്ദ്രത്തോട് ആവശ്യപ്പെടുമെന്നും തുഷാര് കൂട്ടിച്ചേര്ത്തു.
അതേസമയംം പുറത്താക്കല് നിയമപരമല്ലെന്നും നിയമനടപടികളുമായി മുന്നോട്ടു പോകുമെന്നും സുഭാഷ് വാസു പ്രതികരിച്ചു.
