ദ പ്രീസ്റ്റ് ചിത്രത്തിന്റെ ലൊക്കേഷനില് ഷൈലോക്കിന്റെ വിജയം ആഘോഷിച്ച് മമ്മൂട്ടി. കേക്കുമായെത്തിയ അണിയറ പ്രവര്ത്തകര്ക്കൊപ്പം നിറഞ്ഞ സന്തോഷത്തോടെ മമ്മൂട്ടിയും കൂടി. സംവിധായകന് അജയ് വാസുദേവന്റെ വകയായി മമ്മൂട്ടിയ്ക്കൊരു സ്നേഹ ചുംബനവും. നിറഞ്ഞ ചിരിയോടെ ആ സ്നേഹം സ്വീകരിച്ച ശേഷം അദ്ദേഹം കേക്ക് മുറിച്ച് എല്ലാവര്ക്കും നല്കി.
അജയ് വാസുദേവിന്റെ പിറന്നാള് ആഘോഷം കൂടിയായി മാറി ഈ മധുരം പങ്കിടല്. പിന്നീട് സെറ്റിലുള്ളവര്ക്കൊപ്പം സെല്ഫിയുമെടുത്താണ് അദ്ദേഹം ഷൂട്ടിങ്ങിനായി മടങ്ങിയത്.
അജയ് വാസുദേവിനൊപ്പമുള്ള മമ്മൂട്ടിയുടെ മൂന്നാം വരവ് ആരാധകരുടെ പ്രതീക്ഷ ഒട്ടും തെറ്റിച്ചില്ല. രാജാധി രാജ, മാസ്റ്റര് പീസ് എന്നീ ഹിറ്റ് ചിത്രങ്ങള്ക്ക് ശേഷമാണ് അജയ് വാസുദേവിനൊപ്പം മമ്മൂട്ടി വീണ്ടുമെത്തുന്നത്. രാജമാണിക്യത്തിന്ശേഷം ചിരിപ്പിക്കുന്ന ഹീറോ കഥാപാത്രമായി മമ്മൂട്ടി സ്ക്രീനില് നിറഞ്ഞാടുന്നു.
നവാഗതരായ അനീഷ് ഹമീദും, ബിബിന് മോഹനും ചേര്ന്നാണ് ചിത്രത്തിന്റെ കഥ, തിരക്കഥ, സംഭാഷണം എന്നിവ രചിച്ചിരിക്കുന്നത്. രണദിവ് ആണ് ഛായാഗ്രാഹണം. സംഗീതം ഗോപി സുന്ദര്, ഗുഡ് വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജാണ് ചിത്രം നിര്മ്മിക്കുന്നത്.
