തിരുവനന്തപുരം: കെ.പി.സി.സി പുനഃസംഘടനയെ പരിഹസിച്ച് കെ. മുരളീധരന് എം.പി. കെ.പി.സി.സി പുനഃസംഘടന പോലെയാണ് സ്ഥാനാര്ത്ഥി നിര്ണ്ണയമെങ്കില് പഞ്ചായത്ത്-നിയമസഭാ തിരഞ്ഞെടുപ്പുകളില് എല്.ഡി.എഫിന് ഭരണത്തുടര്ച്ച ഉറപ്പാണെന്ന് മുരളീധരന് പറഞ്ഞു. പഞ്ചായത്ത് തിരഞ്ഞെടുപ്പില് പരാജയപ്പെട്ടാല് നിയമസഭാ തിരഞ്ഞെടുപ്പില് ജയിക്കില്ലെന്ന് 101 ശതമാനം ഉറപ്പാണെന്നും മുരളീധരന് തുറന്നടിച്ചു.
തിരുവനന്തപുരത്ത് നെയ്യാര് ഡാമില് നടന്ന നേതൃത്വ പരിശീലന ക്യാമ്പിലാണ് മുരളീധരന് പുനഃസംഘടനയ്ക്ക് എതിരെ തുറന്നടിച്ചത്. നേരത്തെ വി.ടി ബല്റാം എം.എല്.എയും പുനഃസംഘടനയെ വിമര്ശിച്ച് രംഗത്ത് വന്നിരുന്നു. 20 ശതമാനം വനിതകളും 30 ശതമാനം ചെറുപ്പക്കാരുമുള്ള പുനഃസംഘടന എന്ന കിനാശേരി സ്വപ്നം കാണാനെങ്കിലും ഓരോ കോണ്ഗ്രസ് പ്രവര്ത്തകര്ക്കും അവകാശമുണ്ടെന്നായിരുന്നു ബല്റാമിന്റെ പരിഹാസം.
കെ.പി.സി.സിയുടെ ജംബോ പട്ടികയില് പ്രതിഷേധിച്ച് വി.ഡി സതീശന് എം.എല്.യും ടി.എന് പ്രതാപന് എം.പിയും ഭാരവാഹിത്വം വേണ്ടന്ന് അറിയിച്ചിരുന്നു. ഇരുവരും ഭാരവാഹിത്വം വേണ്ടന്ന് ചൂണ്ടിക്കാട്ടി എ.ഐ.സി.സി നേതൃത്വത്തിന് കത്ത് നല്കുകയായിരുന്നു.
Comments