നിവിന് പോളിയെ നായകനാക്കി അല്ഫോണ്സ് പുത്രന് ഒരുക്കിയ ചിത്രമാണ് പ്രേമം. വലിയ വിജയമായി മാറിയ ചിത്രത്തിലെ ഓരോ കഥാപാത്രങ്ങളും മലയാളികള്ക്ക് പ്രിയപ്പെട്ടതാണ്. ഇപ്പോഴിതാ ചിത്രത്തെ കുറിച്ച് പ്രേക്ഷകര്ക്ക് അറിയാത്തൊരു കാര്യം വെളിപ്പെടുത്തിയിരിക്കുകയാണ് നടന് ഷബരീഷ് വര്മ്മ. നടി സേതുലക്ഷ്മി പ്രേമത്തില് അഭിനയിച്ചിരുന്നു എന്നാണ് താരം പറയുന്നത്. തിരക്കഥ ഡൈവേര്ട്ടായി പോകുന്നു എന്നത് കൊണ്ടാണ് അവസാനം സേതുലക്ഷ്മി ചേച്ചി അഭിനയിച്ച ഭാഗം എഡിറ്റ് ചെയ്ത് കളഞ്ഞത് എന്നാണ് ശബരീഷ് പറയുന്നത്.
'സേതുലക്ഷ്മി ചേച്ചി എപ്പോ കണ്ടാലും പറയുന്ന ഒരു കാര്യമുണ്ട്. ചേച്ചി പ്രേമത്തില് അഭിനയിച്ചിട്ടുണ്ട്. പക്ഷെ ആരും ചേച്ചിയെ കണ്ടിട്ടുണ്ടാവില്ല. ഇതൊരു തിക്താനുഭവമായി പല സ്ഥലത്ത് വച്ചും ചേച്ചി എന്റെടുത്ത് പറയാറുണ്ട്. കോളേജില് ഒരു പ്രധാന കഥാപാത്രത്തെയാണ് സേതുലക്ഷ്മി ചേച്ചി അവതരിപ്പിച്ചത്. അത് അവസാനം എഡിറ്റ് ചെയ്ത് കളയേണ്ടി വന്നു. സേതുലക്ഷ്മി ചേച്ചിയുടെ മോശം പ്രകടനമായത് കൊണ്ടൊന്നുമല്ല. തിരക്കഥ ഡൈവേര്ട്ടായി പോകുന്നത് കൊണ്ടാണ് അത് മാറ്റിയത്.
പ്രേമം ഹിറ്റായപ്പോള് സേതുലക്ഷ്മി ചേച്ചി എല്ലാവരോടും ഞാനും അഭിനയിച്ച പടമാണെന്നും എങ്ങനെയുണ്ടെന്നും ചോദിച്ചിരുന്നു. അതിന് ഞങ്ങളാരും ചേച്ചിയെ കണ്ടില്ലല്ലോ എന്നാണ് എല്ലാവരും പറഞ്ഞത്. വിഷമത്തോടെ ഇതേക്കുറിച്ച് ചേച്ചി പറയാറുണ്ട് എന്നാണ് ശബരീഷ് പറയുന്നത്. ഇനി ഞങ്ങള് വിളിച്ചാല് വരില്ലെന്ന് തമാശയായി ചേച്ചി പറയാറുണ്ടെന്നും താരം പറഞ്ഞു.
അതേസമയം ഇപ്പോള് പ്രേമം ടീമിനൊപ്പം വീണ്ടും അഭിനയിക്കാനൊരുങ്ങുകയാണ് സേതുലക്ഷ്മി. നവാഗതനായ ജെനിത് കാച്ചപ്പിള്ളി സംവിധാനം ചെയ്യുന്ന മറിയം വന്നു വിളക്കൂതിയിലൂടെയാണ് പ്രേമം ടീമും സേതുലക്ഷ്മിയും ഒന്നിക്കുന്നത്. ശബരീഷ്, സിജു വില്സണ്, കൃഷ്ണ ശങ്കര്, അല്ത്താഫ് സലീം തുടങ്ങ പ്രേമത്തിലുണ്ടായിരുന്ന പലരും ചിത്രത്തിലുണ്ട്.
