നീരജ് മാധവ് കേന്ദ്രകഥാപാത്രത്തിലെത്തിയ പുതിയ ചിത്രം ഗൗതമന്റെ രഥത്തിന് ലഭിക്കുന്ന പ്രതികരണത്തില് വികാര നിര്ഭരമായ കുറിപ്പുമായി നീരജ്. ചിത്രത്തിന്റെ അവസാനം പ്രേക്ഷകരില് നിന്നും ഉയര്ന്ന കയ്യടികള് കേട്ടപ്പോള് കണ്ണുനിറഞ്ഞ് പോയെന്ന് നീരജ് പറഞ്ഞു. തീയറ്ററില് നിന്നുള്ള വിഡിയോയും കുറിപ്പിനൊപ്പം പങ്കുവച്ചിട്ടുണ്ട്. സന്തോഷക്കണ്ണീരില് ആഹ്ലാദം പ്രകടിപ്പിക്കുന്ന സംവിധായകന് ആനന്ദിനേയും വിഡിയോയില് കാണാം.
നീരജിന്റെ കുറിപ്പിന്റെ പൂര്ണരൂപം
സാറ്റെലൈറ്റ് വാല്യു ഇല്ലാത്ത, കുറെ നാളായി മലയാളത്തില് സിനിമ ചെയ്യാത്ത നടന്, ആദ്യ സിനിമ ചെയ്യുന്ന പുതിയ സംവിധായാകന്, വിശ്വസിച്ചു കാശിറക്കിയ നിര്മാതാവ്, കട്ടയ്ക്ക് കൂടെ നിന്ന കുറച്ചു സുഹൃത്തുക്കള്! ഇന്നലെ വെള്ളിയാഴ്ച്ച ദിവസം ഞങ്ങളുടെ സിനിമയുടെ വിധിയും കാത്തു തിയേറ്ററില് ഏറ്റവും പിറകിലെ നിരയില് ഞങ്ങളെല്ലാവരും ഒരുമിച്ചുണ്ടായിരുന്നു. തീരാക്കഥ എന്ന ഗാനത്തില് പടം തീര്ന്നു end credits തുടങ്ങിയപ്പോള് നിലയ്ക്കാത്ത കയ്യടി. സത്യം പറഞ്ഞാ കണ്ണു നിറഞ്ഞുപോയി, നല്ല സിനിമയെ കൈവിടാത്ത പ്രേക്ഷകരും കൂടെയുണ്ടെന്നറിഞ്ഞ വല്ലാത്ത ഒരു സന്തോഷം! നന്ദി ഒരുപാട് നന്ദി
