രാഷ്ട്രീയത്തില് ഇറങ്ങാന് താന് ഉദ്ദേശിക്കുന്നില്ലെങ്കിലും ചില സാമൂഹിക പ്രശ്നങ്ങളോട് പ്രതികരിക്കാതിരിക്കാനാകില്ലെന്ന് നടി ഷീല. നിര്ഭയ കേസിലെ പ്രിതകളുടെ വധ ശിക്ഷ നിയമക്കുരുക്കില്പ്പെടുത്തി നീട്ടാനുള്ള ശ്രമമാണെന്നും ക്രൂരമായി വധിക്കപ്പെട്ട് ആ പെണ്കുട്ടിയുടെ കുടുംബത്തോട് ചെയ്യുന്ന ക്രൂരതയാണിതെന്നും ഷീല പറഞ്ഞു.
സാങ്കേതിക വിദ്യയുടെ വളര്ച്ച അഭിനയം എളുപ്പമാക്കിയിട്ടുണ്ടെന്നും ഞങ്ങളുടെ കാലത്ത് വെയിലും ചൂടും സഹിച്ച് കല്ലിലും മുള്ളിലും ചെരിപ്പിടാതെ നടന്നാണ് നാടന് പെണ്ണായി അഭിനയിത്തതെന്നും അവര് പറഞ്ഞു. കാലിന് നീരു വന്നിട്ടുണ്ട്. ഇന്ന് ചെരിപ്പിട്ട് നടന്നാലും ഇട്ടിട്ടില്ലെന്ന് തോന്നിപ്പിക്കാന് സാങ്കേതിക വിദ്യകൊണ്ട് കഴിയുമെന്നും ഷീല കൂട്ടിച്ചേര്ത്തു.
മന്ത്രിമാരുടേയും എംഎല്എമാരുടേയും രാഷ്ട്രീയ നേതാക്കളുടെയും മക്കളെ സര്ക്കാര് സ്കൂളില് തന്നെ പഠിപ്പിക്കണമെന്നും തിരഞ്ഞെടുപ്പില് മത്സരിക്കുമ്പോള് കുട്ടികള് ഏത് സ്കൂളിലാണ് പഠിക്കുന്നതെന്ന് വെളിപ്പെടുത്തണമെന്നും ഷീല അഭിപ്രായപ്പെട്ടു. ഒരു മാധ്യമത്തിന് നല്കിയ അഭിമുഖത്തിലാണ് താരത്തിന്റെ പ്രതികരണം.
