നിയമസഭാ തിരഞ്ഞെടുപ്പില് ഡല്ഹിയില് വോട്ട് ചെയ്യാനെത്തിയ നടി താപ്സി പന്നുവിനെ വിമര്ശിച്ചയാള്ക്ക് കിടിലന് മറുപടി നല്കി നടി. വേട്ട് ചെയ്ത ശേഷം താപ്സി തന്റെ കുടുംബത്തിനൊപ്പം നില്ക്കുന്ന ഫോട്ടോ ട്വിറ്ററില് പോസ്റ്റ് ചെയ്തിരിന്നു. ഇതിന് പിന്നാലെയാണ് ചിത്രത്തിന് വിമര്ശകന് കമന്റുമായി രംഗത്തെത്തിയത്.
മുംബൈക്കാരിയായ നിങ്ങള് ഡല്ഹിയില് എങ്ങനെ വോട്ട് ചെയ്യുമെന്നായിരുന്ന ഇയാളുടെ കമന്റ്. ഏറെ നാളായി താങ്കള് മുംബൈയിലാണ് താമസം. അങ്ങനെയുള്ള നടി ഞങ്ങള്ക്ക് വേണ്ടി വോട്ട് ചെയ്യുന്നതെന്തിനെന്നും വോട്ട് മുംബൈയിലേക്ക് മാറ്റണമല്ലോ എന്നുമാണ് ഇയാളുടെ വിമര്ശനം.
വിമര്ശനത്തിന് താപ്സി തക്കതായ മറുപടിയും കൊടുത്തു. മുംബൈയില് താമസിക്കുന്നതിനെക്കാള് കൂടുതല് കാലം ഡല്ഹിയാണ് താമസിച്ചിട്ടുള്ളത്. എന്റെ ആദായ നികുതി കണക്കുകളുടെ രേഖകള് എല്ലാം ഡല്ഹിയിലാണ് ഉള്ളത്. ഡല്ഹിക്കാരിയാണ് ഞാന്. അല്ലാതെ താമസിക്കുന്ന സ്ലത്തിനോട് ഒരു കൂറും കാണിക്കാത്ത ഇവിടെയുള്ള ചിലരെ പോലയല്ല. എന്റെ പൗരത്വത്തെ ചോദ്യം ചെയ്യേണ്ട. നിങ്ങള് നിങ്ങളുടെ കാര്യം നോക്കിയാല് മതി.
ദേഷ്യം എന്നിട്ടും മാറാത്ത നടി ഒരു പോസ്റ്റ് കൂടി ട്വീറ്റ് ചെയ്തു. നിങ്ങള്ക്ക് ഒരു പെണ്കുട്ടിയെ ഡല്ഹിയില് നിന്നും നീക്കാന് ആകുമായിരിക്കും. എന്നാല് പെണ്കുട്ടിയെ ഡല്ഹിയില് നിന്ന് നീക്കുവാനാകില്ല. ഞാന് എന്ത് ചെയ്യണമെന്ന് തീരുമാനിക്കേണ്ട ആള് നിങ്ങളല്ല. ഡല്ഹിക്കാരിയായതിന് ഇതിലും വലിയ തെളിവുകള് താങ്കള്ക്ക് വേണ്ടല്ലോ അല്ലേ?.
നടിയുടെ ട്വീറ്റിനെ അനുകൂലിച്ചും പ്രതികൂലിച്ചും നിരവധി ആളുകള് രംഗത്തെത്തി. സ്വന്തം ജന്മസ്ഥലത്ത് വോട്ട് രേഖപ്പെടുത്തുന്നതില് തെറ്റൊന്നുമില്ലെന്നും നല്ല മറുപടിയാണ് വിമര്ശകന് നല്കിയതെന്നും ചിലര് പറയുന്നുണ്ട്. എന്നാല് അയാള് പൗരത്വത്തെക്കുറിച്ച് ഒന്നും പറഞ്ഞില്ലെന്നും അമിത വികാര പ്രകടനം എന്തിനാണെന്നും നടിയോട് ചിലര് ചോദിക്കുന്നുണ്ട്.
