ലക്നൗ: ഉന്നാവോ കേസില് കുറ്റം സമ്മതിച്ച കുല്ദീപ് സെന്ഗറിന് ഉത്തര്പ്രദേശ് നിയമസഭയില് നിന്നും അംഗത്വം നഷ്ടപ്പെട്ടു. ഉന്നാവോയിലെ ബെഗര്മാ നിയോജകമണ്ഡലത്തില് നിന്ന് തിരഞ്ഞെടുക്കപ്പെട്ട സെനഗറിനെ നിയമപ്രകാരം അയോഗ്യനാക്കി വിജ്ഞാപനം ഇറക്കുകയായിരുന്നു. നേരത്തെ ഇദ്ദേഹത്തെ ബി.ജെ.പിയില് നിന്നും പുറത്താക്കിയിരുന്നു.
ഉന്നാവോ കേസില് ദല്ഹി പോക്സോ കോടതി കുല്ഗീപ് സെന്ഗറിന് ജീവപര്യന്തം ശിക്ഷ വിധിച്ചിരുന്നു. മകളുടെ വിദ്യാഭ്യാസ ചെലവുകള് ഉള്പ്പെടെ തന്റെ മേലുള്ള ബാധ്യതകള് ഉയര്ത്തി സെനഗര് ശിക്ഷയില് ഇളവ് തരണമെന്ന് ആവശ്യപ്പെട്ടെങ്കിലും കോടതി അത് തള്ളി പോക്സോ നിയമത്തിലെ അഞ്ച്, ആറ് വകുപ്പുകള് ഉള്പ്പെടുത്തി ജീവപര്യന്തം ശിക്ഷക്ക് വിധിക്കുകയായിരുന്നു.
