ബിഗ് ബോസ് ഹൗസ് സീസണ് 2വില് 50 ദിവസം പൂര്ത്തിയാക്കിയതിന്റെ ആഘോഷവേളയില് പുതിയ രണ്ട് മത്സരാര്ഥികളെ കൂടി ബിഗ് ബോസ് വീട്ടിലെത്തിച്ചിരുന്നു. ഗായികമാരായ അമൃത സുരേഷും സഹോദരി അഭിരാമി സുരേഷുമാണ് കഴിഞ്ഞ ദിവസം ബിഗ് ബോസ് വീട്ടിലെത്തിയത്. അമൃതയും അഭിരാമിയും രണ്ട് വ്യക്തികള് ആണെങ്കിലും ബിഗ് ബോസിലെ ടാസ്കുകളിലും നോമിനേഷനുകളിലും അവര് ഒറ്റ മത്സരാര്ഥി ആയിട്ടാവും പരിഗണിക്കപ്പെടുക.പുതിയ മത്സരാര്ത്ഥികളും കൂടി എത്തിയതോടെ ഹൗസിലെ മത്സരം കൂടുതല് മുറുകിയിരിക്കുകയാണ്.
കഴിഞ്ഞ ദിവസങ്ങളിലെ ടാസ്കില് മികച്ച പ്രകടനമായിരുന്നു ഇരുവരും കാഴ്ചവെച്ചത്. ഇപ്പൊ ഇതാ അമൃതയെയും അഭിരാമിയെയുംകുറിച്ച് പാഷാണം ഷാജി നടത്തിയ മോശം പരാമര്ശം ചര്ച്ചയായിരിക്കുകയാണ്. ബിഗ് ബോസ് നല്കിയ ടാസ്കിനിടെ ആയിരുന്നു ഇരുവരേയും കുറിച്ച് പാഷാണം ഷാജി മോശം പരാമര്ശം നടത്തിയത്. '' അമൃതയുടെയും അഭിരാമിയുടെയും കഥാപാത്രങ്ങളായ ഒറ്റവെട്ട് ഓമന, ഒറ്റപ്പെട്ട് തങ്കമ്മ എന്നിവര് എന്റെ സെറ്റപ്പാണ്. ഞാന് കേരളത്തില് വരുമ്പോള് ഇവരുടെ കൂടെ മാറി മാറി താമസിക്കും. എനിക്ക് വേണ്ടി ഇവര് അടിക്കൂടും.'' - ഇങ്ങനെയായിരുന്നു പാഷാണം ഷാജി പറഞ്ഞത്.
ഷാജിയുടെ ഈ പരാമര്ശം അമൃതയ്ക്കും അഭിരാമിയ്ക്കും വിഷമമായെങ്കിലും ഇരുവരും ടാസ്കിന്റെ സമയത്ത് ഒരു മറുപടിയും പറഞ്ഞില്ല. ടാസ്ക്ക് കഴിഞ്ഞതോടെ ഇതേ കുറിച്ച് രജിത്തിനോട് ഇരുവരും സംസാരിച്ചു. പാഷാണം ഷാജിയുമായി വര്ഷങ്ങള് നീണ്ട പരിചയമുളള ആളാണ് അമൃത. ആ പരിചയത്തിന്റെ പേരിലാണ് അങ്ങനെ പറഞ്ഞതെന്ന് പറഞ്ഞേക്കാം. പക്ഷേ ഇത് അങ്ങനെ കളയേണ്ടതല്ല. ഇത് ഞാന് സംസാരിക്കുമെന്നും അഭിരാമി പറയുന്നു
ഷാജി ചെയ്തത് ചീപ്പായി പോയെന്നാണ് അപ്പോള് തന്നെ രജിത്തും അവിടെയുണ്ടായിരുന്ന സുജോയും പറഞ്ഞത്. പാഷാണം ഷാജി തറ ഭാഷയിലാണ് ഈ പെണ്കുട്ടികളോട് സംസാരിച്ചതെന്നും ഷാജി ഇങ്ങനെ പറയുമെന്ന് പ്രതീക്ഷിച്ചില്ല വളരെ ലോ ലെവല് പ്രസ്താവനയായിരുന്നുവെന്നും രജിത് പറഞ്ഞു.
