പ്രിയദര്ശന് മോഹന്ലാല് കൂട്ടുക്കെട്ടില് ഒരുങ്ങുന്ന മരക്കാര് അറബിക്കടലിന്റെ സിംഹം എന്ന ചിത്രത്തിലെ കീര്ത്തി സുരേഷിന്റെ ചിത്രങ്ങള് വൈറലാകുന്നു. ആര്ച്ച എന്ന കഥാപാത്രത്തെയാണ് കീര്ത്തി ചിത്രത്തില് അവതിരപ്പിക്കുന്നത്. ഗീതാജ്ഞലിക്ക് ശേഷം ഇതാദ്യമായാണ് കീര്ത്തി പ്രിയദര്ശന് ചിത്രത്തില് വേഷമിടുന്നത്.
മധു, അര്ജുന് സര്ജ, സുനില് ഷെട്ടി, കല്യാണി പ്രിയദര്ശന്, സുഹാസിനി മണിരത്നം, മഞ്ജു വാര്യര്, ഫാസില്, സിദ്ദീഖ്, നെടുമുടി വേണു, മുകേഷ്, ഇന്നസെന്റ, പ്രണവ് മോഹന്ലാല്, മാമുക്കോയ, നന്ദു, ഹരീഷ് പേരടി തുടങ്ങിയ വലിയ താര നിരയാണ് ചിത്രത്തില് ഉള്ളത്.
അഞ്ച് ഭാഷകളിലായലി പുറത്തിറങ്ങുന്ന ചിത്രം രാജ്യത്തെ 5000 സ്ക്രീനുകളില് പ്രദര്ശനത്തിനെത്തും. മാര്ച്ച് 26നാണ് ചിത്രം പുറത്തിറങ്ങുന്നത്.
തിരുവാണ് ചിത്രത്തിന്റെ ഛായാഗ്രാഹകന്. സാബു സിറില് കലാസംവിധാനം നിര്വഹിക്കും.സിനിമയുടെ 75 ശതമാനം ഫിലിം സിറ്റിയിലും ബാക്കി ഭാഗങ്ങള് ഊട്ടി രാമേശ്വരം എന്നിവടങ്ങളിലും ചിത്രീകരിക്കും. ആന്റണി പെരുമ്പാവൂര്, സി ജി റോയ്, സന്തോഷ് കുരുവിള എന്നിവരാണ് ചിത്രത്തിന്റെ നിര്മാതാക്കള്.
