'അപമാനിക്കപ്പെട്ടവര് ഒരുനാള് അഭിമാനപ്പെടും സ്നേഹത്തോടെ ഷിയാസ് കരീം' എന്ന ക്യാപ്ഷനോട് ഷിയാസ് പങ്കുവച്ച വിഡിയോയാണ് ഇപ്പോള് ആരാധകര് ഏറ്റെടുത്തിരിക്കുന്നത്. ബിഗ് ബോസ് ഒന്നാം സീസണില് ഷിയാസിനെ തരംതാഴ്ത്തുന്ന സാബുമോന്റെ സംസാരത്തിന് മറുപടിയാണ് താരത്തിന്റെ പോസ്റ്റ്. മലയാളം ബിഗ് ബോസ്സ് ഒന്നാം സീസണിന്റെ വിജയ് യാണ് സാബുമോന്.
'നീയെവിടുത്തെ മോഡലാണ്, ഇതുവരെ ഒരു ഉത്സവ പറമ്പില് പോലും കണ്ടിട്ടില്ലല്ലോ. മോഡലാണെന്ന് പറഞ്ഞിട്ട് നിന്റെ പടം ഒരു പോസ്റ്ററില് പോലും ഇതുവരെ കണ്ടിട്ടില്ല. ഞാന് ഇന്ന് നില്ക്കുന്നിടത്ത് നീ നില്ക്കണമെങ്കില് കുറഞ്ഞത് 15 വര്ഷമെങ്കിലും നീയെടുക്കേണ്ടി വരും' എന്നെല്ലാം പറയുന്ന സാബുവിന്റെ വിഡിയോടെ കൂടെ തന്റെ പടമുള്ള പോസ്റ്ററുകളും വലിയ ഫ്ലക്സുകളുടെ ചിത്രവും താന് റാംപില് നടക്കുന്ന വിഡിയോയും കൂട്ടിയാണ് താരം പങ്കുവച്ചിരിക്കുന്നത്.
ഷിയാസിന്റെ പോസ്റ്റിന് താഴെ നിരവധി പേരാണ് ആശംസ നേര്ന്ന് എത്തിയിരിക്കുന്നത്. നിങ്ങള് ഞങ്ങള്ക്കും ഊര്ജമാണ്. നിങ്ങളുടെ വളര്ച്ച കണ്ട് ആ പറഞ്ഞവരെല്ലാം ഇപ്പോള് ലജ്ജിക്കുന്നുണ്ടെന്നും തുടങ്ങിയ കമന്റുകളാണ് ആരാധകര് നല്കുന്നത്.
