തിരുവനന്തപുരം : അപകടത്തില് മരിച്ച മാധ്യമപ്രവര്ത്തകന് കെ എം ബഷീറിന്റെ ഭാര്യയ്ക്ക് സര്ക്കാര് സര്വ്വീസില് നിയമനം നല്കികൊണ്ടുള്ള ഉത്തരവ് പുറത്തിറങ്ങി. ഐഎസ് ഉദ്യേഗസ്ഥനായ ശ്രീറാം വെങ്കിട്ടരാമന്റെ വണ്ടി ഇടിച്ചാണ് ബഷീര് മരിക്കുന്നത് . കെ എം ബഷീറിന്റെ ഭാര്യയായ ജസ്ലയ്ക്ക് തൊഴില് നിയമനം നല്കി കൊണ്ടുള്ള ഉത്തരവാണ് പുറത്ത് വന്നിരിക്കുന്നത്. തീരൂര് മലയാളം സര്വകലാശാലയില് അസിസറ്റന്റായാണ് നിയമനം.
നേരത്തെ ശ്രീറാം വെങ്കിട്ടരാമന്റെ സസ്പെന്ഷന് റദ്ദാക്കി തിരിച്ചെടുക്കണമെന്ന് ചീഫ് സെക്രട്ടറി അധ്യക്ഷനായ സമിതിയുടെ ശുപാര്ശ മുഖ്യമന്ത്രി തള്ളിയിരുന്നു. ശ്രീറാമിന്റെ സസ്പെന്ഷന് കാലാവധി 90 ദിവസത്തേക്ക് കൂടി നീട്ടി മുഖ്യമന്ത്രി ഉത്തരവിടുകയും ചെയ്തു.
2019 ഓഗസ്റ്റ് മൂന്ന് പുലര്ച്ചെയാണ് ശ്രീറാം വെങ്കിട്ടരാമന് ഓടിച്ച കാര് ഇടിച്ച് ബഷീര് കൊല്ലപ്പെടുന്നത്. അപകടം നടക്കുമ്പോള് ശ്രീറാം മദ്യലഹരിയില് അമിതവേഗത്തില് വാഹനമോടിച്ച് അപകടമുണ്ടാക്കിയതെന്നാണ് പോലീസ് കണ്ടെത്തല്.
