കൊച്ചി : പത്തനംതിട്ടയിലും കൊച്ചിയിലും കോവിഡ് 19 വൈറസ് സ്ഥിരീകരിച്ചതിന് പിന്നാലെ ജനങ്ങളെ ആശങ്കയിലാഴ്ത്തി സോഷ്യല് മീഡിയകളിലൂടെ വ്യാജ സന്ദേശനങ്ങള് പ്രചരിക്കുന്നു. ഇത്തരം സന്ദേശങ്ങള്ക്കെതിരെ കര്ശന നടപടി ഉണ്ടാക്കുമെന്ന് അധികൃതര് പറയുമ്പോഴും വ്യജസന്ദേശങ്ങള്ക്ക് കുറവില്ല. എറണാകുളം എ.സി.പി കെ.ലാല്ജിയുടേത് എന്ന പേരില് പ്രചരിക്കുന്ന സന്ദേശമാണ് ഇത്തരത്തില് ഒടുവിലായി പ്രചരിച്ചുകൊണ്ടിരിക്കുന്ന ശബ്ദസന്ദേശം.
ഒരാഴ്ചയ്ക്കുള്ളില് സംസ്ഥാന വ്യാപകമായി കൊറോണ വൈറസ് പടര്ന്നുപിടിക്കുമെന്നാണ് സന്ദേശത്തിലുള്ളത്. ഇത് സമൂഹമാധ്യമങ്ങളില് വ്യാപകമായി പ്രചരിച്ചുകൊണ്ടിരിക്കുകയാണ്.
ഇത്തരത്തില് വ്യാജ സന്ദേശം തയ്യാറാക്കുന്നവര്ക്കും പ്രചരിപ്പിക്കുന്നവര്ക്കുമെതിരെ കര്ശന നടപടിയെടുക്കുമെന്ന് ലാല്ജി പറഞ്ഞു.
