ലോകം മുഴുവന് കൊറോണ ഭീതിയില് ഉള്ള അവസരത്തില് പുതിയ ചിത്രമായ കിലോമീറ്റേഴ്സ് & കിലോമീറ്റേഴ്സ് റിലീസ് മാറ്റിവെക്കുന്നതായി വ്യക്തമാക്കി നടന് ടൊവിനോ. കോവിഡ് 19 നെ വ്യാപിക്കുന്നതില് നിന്ന് തടയുന്നിന് ഫലപ്രദമയാ മാര്ഗങ്ങളില് ഒന്നാണ് കൂട്ടായ്മകളും അല്ലെങ്കില് മാസ് ഗാതറിംഗുകളും ഒഴിവാക്കുക എന്നതാണെന്ന് തിരിച്ചറിഞ്ഞുകൊണ്ടാണ് ചിത്രത്തിന്റെ റിലീസ് മാറ്റിയതെന്ന് താരം അറിയിച്ചു. ഫേസ്ബുക്കിലൂടെയാണ് താരം ഇക്കാര്യം വ്യക്തമാക്കുന്നത്. മാര്ച്ച് 12 നായിരുന്നു ചിത്രത്തിന്റെ റിലീസ് തീരുമാനിച്ചിരുന്നത്.
ടൊവിനോയുടെ ഫേസ്ബുക്ക് പോസ്റ്റ് :
നമ്മുടെ പുതിയ സിനിമ
'കിലോമീറ്റേഴ്സ് & കിലോമീറ്റേഴ്സ് ' ന്റെ റിലീസ് മാറ്റി വയ്ക്കുകയാണ്.
ഒരുപാട് നാളുകളുടെ സ്വപ്നവും അദ്ധ്വാനവുമാണു ഞങ്ങള്ക്കു ഈ സിനിമ. പക്ഷേ ഈ സമയത്ത് മറ്റെന്തിനേക്കാളും പ്രധാനം നമ്മുടെയും നമുക്ക് ചുറ്റുമുള്ളവരുടെയും ആരോഗ്യമാണ്.
നിപ്പയെ ചെറുത്ത് തോല്പിച്ച് ലോകത്തിനു തന്നെ മാതൃകയായ നമ്മള് ഈ വെല്ലുവിളിയും അതിജീവിക്കും.
ഉത്തരവാദിത്വമുള്ളവരായി, നമുക്ക് സ്വയം സൂക്ഷിക്കാം, സര്ക്കാരിന്റെയും ആരോഗ്യവകുപ്പിന്റെയും മാര്ഗ്ഗനിര്ദ്ദേശങ്ങള് കര്ശനമായി അനുസരിക്കാം, ഒപ്പമുള്ളവരെ സംരക്ഷിക്കാം..
നിങ്ങളുടെ സ്വന്തം
ടൊവീനോ തോമസ്.
