വാഷിംഗ്ടണ്: ട്രംപിന്റെ കൊവിഡ് 19 പരിശോധനാഫലം നെഗറ്റീവെന്ന് വൈറ്റ് ഹൗസ്. കൊവിഡ് രോഗബാധയുണ്ടോയെന്ന പരിശോധന നടത്തിയെന്നും ഫലത്തിനായി കാത്തിരിക്കുകയാണെന്നും ട്രംപ് നേരത്തെ പറഞ്ഞിരുന്നു. അമേരിക്കയില്മാത്രം കൊവിഡ് 19 ബാധിച്ച് മരിച്ചത് 50 പേരാണ്. ലോകത്താകെ കൊറോണ ബാധിച്ച് മരിച്ചവരുടെ എണ്ണം 5800 കടന്നു. 15,6098 പേര്ക്ക് കോവിഡ് 19 സ്ഥിരീകരിച്ചു.
അതേസമയം ബ്രിട്ടനില് ജനിച്ച് മണിക്കൂറുകള്ക്കുള്ളില് കുഞ്ഞിന് കൊവിഡ് സ്ഥിരീകരിച്ചു. ഇതോടെ ലോകത്തെ ഏറ്റവും പ്രായം കുറഞ്ഞ കൊവിഡ് രോഗി ഈ കുഞ്ഞായി മാറി. ഗര്ഭിണിയായിരിക്കുമ്പോള് ന്യുമോണിയ ബാധയെ തുടര്ന്നാണ് കുഞ്ഞിന്റെ അമ്മയെ മുമ്പ് നോര്ത്ത് മിഡില്സെക്സ് ആശുപത്രിയില് പ്രവേശിപ്പിച്ചത്.
ഗര്ഭാവസ്ഥയിലോ പ്രസവ സമയത്തോ ആകാം കൊവിഡ് 19 ലക്ഷണങ്ങള് ഉണ്ടായിരന്ന അമ്മയില് നിന്ന് കുഞ്ഞിലേക്ക് രോഗം പടര്ന്നതെന്നാണ് ഡോക്ടര്മാരുടെ നിഗമനം. യുവതിയ്ക്ക് കൊവിഡ് 19 സ്ഥിരീകിരച്ചപ്പോഴേക്കും പ്രസവം കഴിഞ്ഞിരുന്നു.
