കൊച്ചി: കൊറോണെയ തുടര്ന്ന്, പൂര്ത്തിയായ ചിത്രങ്ങളുടെ റിലീസിങ് മാറ്റിവച്ചിരുന്നു. എന്നാല്, ചിത്രീകരണം നടന്നുകൊണ്ടിരിക്കുന്ന ചിത്രങ്ങളും തല്ക്കാലത്തേക്ക് മാറ്റിവയ്ക്കാന് തീരുമാനിക്കുകയാണ് പ്രൊഡ്യൂസേഴ്സ് അസോസിയേഷന്. കൊറോണ വ്യാപനത്തെ തടയുന്നതിനായി ഈ മാസം അവസാനം വരെയാണ് തീയറ്ററുകള് അടയ്ക്കുന്നത്. കൊറോണന അനിയന്ത്രിതമായി പടര്ന്നു പിടിക്കുന്നതുകൊണ്ടുതന്നെ രാജ്യം ആശങ്കയിലാണ്. ഈ സാഹചര്യത്തില് ഏപ്രിലില് തീയേറ്ററുകള് തുറക്കാനാകുമോ എന്ന ആശങ്കയിലാണ് സിനിമാ്രപവര്ത്തകര്.
തീയറ്ററുകള് അടച്ചതോടെ കനത്ത നഷ്ടമാവും ഇനി സിനിമാമേഖലയില് ഉണ്ടാവുക. ലോകത്തെ തന്നെ ചെറുതും വലുതുമായ എല്ലാത്തരം വ്യാപാരങ്ങളെയും സാരമായി ബാധിച്ചുകൊണ്ടിരിക്കുകയാണ് കൊറോണ. അവധിക്കാലത്ത് റീലീസിനിരുന്ന ചിത്രങ്ങളുടെ റിലീസിങ് നിര്ത്തിയതോടെ ഓണക്കാലത്ത് റിലീസിങ്ങിന് ഒരുങ്ങുന്ന ചിത്രങ്ങളുടെ റിലീസിങ്ങും നീളും. 14ഓളം ചിത്രങ്ങളുടെ റിലീസാണ് ഇപ്പോള് മാറ്റിവച്ചിരിക്കുന്നത്. ഇപ്പോള് മാറ്റിവച്ചിരിക്കുന്ന റിലീസുകള് മെയ് അവസാനത്തോടെ മാത്രമേ റിലീസ് ചെയ്യാനാകൂ എന്നാണ് കരുതുന്നത്.
