കോവിഡ് 19 വൈറസ് രോഗം ബാധിച്ച് കോട്ടയം മെഡിക്കല് കോളേജ് ആശുപത്രിയില് ചികിത്സയിലായിരുന്ന വൃദ്ധ ദമ്പതികള് രോഗമുക്തി നേടി കഴിഞ്ഞ ദിവസം ആശുപത്രി വിട്ടിരുന്നു. ഇന്ത്യയിൽ തന്നെ രോഗം ഭേദമാകുന്ന ഏറ്റവും പ്രായമേറിയവരായിരുന്നു ഇവര് കേരളത്തിന്റെ ആരോഗ്യമേഖലയുടെ മികവിന്റെ ഉദാഹരണമാണിതെന്ന് ചൂണ്ടിക്കാട്ടി രംഗത്തെത്തിയിരിക്കുകയാണ് നടി രഞ്ജിനി. ലോകത്തിലേക്ക് വച്ച് തന്നെ നമ്മുടെ ആരോഗ്യ മേഖല ഏറ്റവും മികച്ചതെന്ന് പ്രഖ്യാപിക്കാന് കഴിയുമെന്ന് രഞ്ജിനി ഫേസ്ബുക്കില് കുറിച്ചിരിക്കുകയാണ്.
കോവിഡ് 19 രോഗത്തിൽ നിന്ന് മുക്തരായി ആ മുതിര്ന്ന ദമ്പതികള് ആശുപത്രി വിടുന്ന കാഴ്ച ഇന്ന് ഒരുപാട് സന്തോഷം നല്കി. നമ്മുടെ സ്വന്തം ആരോഗ്യ മേഖലയ്ക്ക് ഒരു ബിഗ് സല്യൂട്ട്. ലോകത്തിലേക്കും വെച്ച് ഏറ്റവും മികച്ചതാണ് നമ്മുടെ ആരോഗ്യ മേഖലയെന്ന് അഭിമാനപൂര്വ്വം നമുക്ക് പ്രഖ്യാപിക്കാനാകും. വിദേശത്ത് താമസിച്ചിരുന്നതിന്റേയും യാത്ര ചെയ്തതിന്റെയുമൊക്കെ വെളിച്ചത്തിൽ ഏറ്റവും മികച്ച ചികിത്സാരംഗം കൊണ്ട് അനുഗ്രഹീതമാണ് നമ്മുടെ കേരളമെന്ന് തനിക്ക് പറയാനാകുമെന്ന് രഞ്ജിനി പറഞ്ഞിരിക്കുകയാണ്.
ആരോഗ്യ രംഗത്ത് പ്രാവീണ്യമുള്ളവര് ഇവിടെ നമ്മുടെ പടിവാതില്ക്കലുള്ളപ്പോള് പലരും ചികിത്സയ്ക്കായി വിദേശത്തേക്ക് പോകുന്നത് എന്തിനെന്ന് അത്ഭുതപ്പെട്ടിട്ടുണ്ട്. നമ്മുടെ ആരോഗ്യപ്രവര്ത്തകര്ക്കും അഡ്മിനിസ്ട്രേഷൻ ടീമിനും ശുചിത്വം ഉറപ്പാക്കുന്ന ജീവനക്കാര്ക്കും ഒത്തിരിനന്ദി. ഇതുപോലെയുള്ള പ്രവര്ത്തനങ്ങള് തുടരൂ, നിങ്ങള്ക്കുവേണ്ടി ഞങ്ങള് വീട്ടിലിരിക്കാം, എന്ന് രഞ്ജിനി കുറിച്ചിരിക്കുകയാണ്.
