ലോകമെങ്ങും കൊറോണ വൈറസിന്റെ ഭീതിയിലാണ്. ജനങ്ങളെല്ലാം ജാഗ്രതയിലും മുന്കരുതലിലുമാണ്. ലോക്ക്ഡൗണ് പ്രഖ്യാപിച്ചതോടെ മിക്ക ആളുകളും തങ്ങളുടെ വീടുകളിലേക്ക് ഒതുങ്ങിയിരിക്കുകയാണ്. കുടുംബത്തോടൊപ്പം ചിലവഴിക്കുകയാണ് ഏവരും. എഴുത്ത്, വായന, വര, പാട്ട്, നൃത്തം, പാചകം, യോഗ തുടങ്ങിയ കാര്യങ്ങളൊക്കെയായി കഴിയുകയാണ് പലരും.
ഗായകന് വിധു പ്രതാപും ഭാര്യയും നര്ത്തകിയുമായ ദീപ്തിയും തങ്ങളുടെ ലോക്ക്ഡൗണ് കാലവും ചിലവഴിക്കുന്നത് ക്രിയാത്മകമായ പല കാര്യങ്ങളിലൂടെയുമാണ്. ലോക്ക്ഡൗണ് കാലം ചിലവഴിക്കാന് ഇരുവരും തയ്യാറാക്കിയ ഒരു പദ്ധതിയാണ് ടിക്ക് ടോക്കില് വൈറലായിരിക്കുന്നത്. പേനയും പേപ്പറും എടുത്ത് ചെയ്യേണ്ട കാര്യങ്ങളുടെ ലിസ്റ്റ് ഇരുവരും ആദ്യം തന്നെ തയ്യാറാക്കി.
ആദ്യം തന്നെ യോഗ ചെയ്യാനാണ് ഇരുവരും തീരുമാനിച്ചത്. ഏഴ് മണി മുതല് എട്ടര വരെ യോഗ. അത് കഴിഞ്ഞ് ബ്രേക്ക് ഫാസ്റ്റ്. പിന്നെ ഒരു മണിക്കൂര് പ്രാക്ടീസ്. അതിന് ശേഷം വിധു ചിത്രം വരയ്ക്കാന് പോകുമെന്ന് പറയുന്നു. എന്നാല് വിധുച്ചേട്ടന് ചിത്രം വരച്ചു വരുമ്പോഴേക്കും ഞാനെന്റെ പാചക പരീക്ഷണം നടത്താമെന്ന് ദീപ്തി. എന്നാല് പിന്നെ താനും കൂടെ സഹായിക്കാം, വരയൊക്കെ എപ്പോള് വേണമെങ്കിലും ആകാമെന്നായി വിധു. രാത്രി ബന്ധുക്കളേയും സുഹൃത്തുക്കളേയും വീഡിയോ കോള് ചെയ്ത് നേരത്തേ കിടന്നുറങ്ങി നേരത്തേ എണീറ്റ് വീണ്ടും യോഗ. ഇതാണ് രണ്ടുപേരുടേയും പദ്ധതി. എന്നാല് സംഭവിച്ചത് മറ്റൊന്നാണ്. ഇതാണ് ഇരുവരും വിഡിയോയില് കാണുന്നത്.
