കൊറോണ വൈറസിനെ നേരിടാനുള്ള പ്രതിരോധ ശേഷി തന്റെ ശരീരത്തിനുണ്ടെന്ന് പരിശോധനയിൽ കണ്ടെത്തിയതായി പോപ് ഗായിക മഡോണ. സോഷ്യൽമീഡിയയിലൂടെയാണ് ഗായിക ഈ വിവരം പുറത്തുവിട്ടത്.
കഴിഞ്ഞ ദിവസം തന്റെ ശരീരത്തിൽ കൊറോണ വൈറസ് പരിശോധന നടത്തിയെന്നും വൈറസിനെ പ്രതിരോധിക്കാൻ ശേഷിയുള്ള വസ്തുക്കൾ തന്റെ ശരീരത്തിൽ ഉത്പാദിപ്പിക്കുന്നുണ്ടെന്ന് പരിശോധനയിൽ കണ്ടെത്തിയതായി ഗായിക പങ്കുവെക്കുന്ന വീഡിയോയിൽ പറയുന്നു. അതിനാൽ താൻ കാർ എടുത്ത് പുറത്തു പോവാൻ നിശ്ചയിച്ചിരിക്കുകയാണെന്നും കാറിലെ ഗ്ലാസ് വിന്റോ തുറന്നിട്ട് കൊവിഡ് 19 നിറഞ്ഞ വായു ശ്വസിക്കുമെന്നും ഗായിക പറയുന്നു. തനിക്ക് വലിയ പ്രതീക്ഷയുണ്ടെന്നും മഡോണ വീഡിയോയിൽ പറയുന്നു.
കൊറോണ വൈറസ് പരിശോധനയുമായി ബന്ധപ്പെട്ട സി.ഡി.സി ടെസ്റ്റാണ് ഗായികയുടെ ശരീരത്തിൽ നടത്തിയത്. വൈറസിനെ പ്രതിരോധിക്കാൻ കെൽപുള്ള വസ്തുക്കൾ ശരീരത്തിൽ ഉത്പാദിപ്പിക്കപ്പെടുന്നുണ്ടോ എന്നറിയാനാണ് ഈ ടെസ്റ്റ്. എന്നാൽ ഈ ദോഷവസ്തുക്കളുടെ സൂചന പ്രതിരോധശേഷിയുണ്ടെന്നതാണോ എന്ന് ഇതുവരെ തെളിയിക്കപ്പെട്ടിട്ടില്ല.
