മലയാള സിനിമകളും ഓണ്ലൈന് റിലീസിന് ഒരുങ്ങുന്നു. കഴിഞ്ഞ ദിവസം ജയസൂര്യ നായകനാകുന്ന വിജയ് ബാബു ചിത്രം ഓണ്ലൈനായി റിലിസിന് ഒരുങ്ങുന്നതിനെതിരേ ലിബര്ട്ടി ബഷീര് രൂക്ഷമായി പ്രതികരിച്ചിരുന്നു. എന്നാല്, പിന്നാലെ തന്നെ കൂടുതല് ചിത്രങ്ങള് ഓണ്ലൈന് റിലീസിന് ഒരുങ്ങുന്നതായി വാര്ത്ത വന്നു.
സൂഫിയും സുജാതയും എന്ന ചിത്രം ആമസോണ് റിലീസിനെടുത്തത് ജയസൂര്യ എന്ന നടന്റെ താരമൂല്യം കണ്ടിട്ടാണെന്ന് നിര്മ്മാതാവ് ജോബി ജോര്ജ്. ഒരു അഭിമുഖത്തില് സംസാരിക്കവേയാണ് അദ്ദേഹം ഇക്കാര്യം പറഞ്ഞത്. വിജയ് ബാബു എന്ന നിര്മ്മാതാവിനെ കണ്ടിട്ടല്ല മറിച്ച് ജയസൂര്യ എന്ന നടനെ കണ്ടിട്ടാണ് ആമസോണ് ആ ചിത്രം സ്വീകരിച്ചത്. തീയറ്ററുകളെയോ നിര്മ്മാതാക്കളെയോ ഈ സാഹചര്യത്തില് കുറ്റം പറയാനാവില്ലെന്നും ജോബി ജോര്ജ് പറഞ്ഞു.
'ഓണ്ലൈനായി സിനിമകള് റിലീസ് ചെയ്യുന്നതില് തെറ്റില്ല. എന്നാല് ഇപ്പോള് തല്ക്കാലം എന്റെ സിനിമകള് ഹോള്ഡ് ചെയ്യുകയാണ്. കുറച്ചുകൂടി കാത്തിരിക്കാം. ഈ അവസ്ഥ മുന്നോട്ടുപോയാല് മാത്രം ഓണ്ലൈന് റിലീസിനെക്കുറിച്ച് ചിന്തിക്കും.' ജോബി ജോര്ജ് പറഞ്ഞു.
