കൊച്ചി: സന്തോഷ് പണ്ഡിറ്റ് എന്നും സോഷ്യല്‍ മീഡിയയില്‍ എന്നും നിറഞ്ഞുനില്‍ക്കുന്ന ഒരു വ്യക്തിയാണ്. പലപ്പോഴും സ്വന്തം സിനിമകളുടെ പേരില്‍ ഏറെ ക്രൂശിക്കപ്പെടുകയും ചെയ്തിട്ടുണ്ട്. എന്നാല്‍ സമൂഹത്തില്‍ ഒട്ടേറെ നല്ല കാര്യങ്ങള്‍ക്കായി പ്രവര്‍ത്തിക്കുന്ന ഒരു വ്യക്തി കൂടിയാണ് സന്തോഷ് പണ്ഡിറ്റ്. ഇക്കുറി രാഹുല്‍ ഗാന്ധിക്ക് ഉപദേശവുമായാണ് താരം രംഗത്തു വന്നിരിക്കുന്നത്. ഉത്തര്‍പ്രദേശിലെ കോണ്‍ഗ്രസ്സ് പാര്‍ട്ടിയുടെ നിലനില്‍പ്പിന് ആവശ്യമായ ഉപദേശമാണ് താരം ഫേസ്ബുക്കിലൂടെ പങ്കുവച്ചിരിക്കുന്നത്. .
ഉത്തര്‍പ്രദേശിലെ പ്രദേശിലെ കോണ്‍ഗ്രസ് പാര്‍ട്ടിയുടെ അദിതി സിംഗ് ജി എന്ന 32 കാരിയായ കരുത്തയായ എംഎല്‍എ യും അവരുടെ തന്നെ പാര്‍ട്ടിയുമായുള്ള പ്രശ്‌നങ്ങള്‍ രഹുല്‍ ജി ഉടന്‍ തന്നെ നേരിട്ട് ഇടപെട്ട് തീര്‍ക്കണം എന്നാണ് എന്റെ അഭിപ്രായം. അല്ലെങ്കില്‍ നിസ്സാര കാര്യത്തിന് കോണ്‍ഗ്രസിനോട് തെറ്റിപിരിഞ് യോഗി ആദിത്യനാഥ് ജിയുടെ ഭരണത്തെ സദാ പുകഴ്ത്തുന്ന ഇവര്‍ ബിജെപിയിലേക്ക് മാറുവാന്‍ സാദ്ധ്യതയുണ്ടേ....
തങ്ങളുടെ സ്റ്റാര്‍ എംഎല്‍എ അദിതി ജി യെ കോണ്‍ഗ്രസ് വുമണ്‍സ് വിങ്‌സിന്റെ പദത്തില്‍ നിന്ന് ഒഴിവാക്കുകയും , സ്പീക്കറോട് ഉടനെ അവരെ എംഎല്‍എ പദത്തില്‍ നിന്നും അയോഗ്യത കല്‍പിക്കണം എന്നും പറഞ്ഞ് യുപി കോണ്‍ഗ്രസ് പാര്‍ട്ടി മുന്നോട്ട് വന്നിരിക്കുകയാണല്ലോ..(ഇവരെ അയോഗ്യയാക്കിയാല്‍ യുപിയിലെ കോണ്‍ഗ്രസ് പ്രതിനിധികളുടെ എണ്ണം 7 ല് നിന്നും 6 ആകും.. ആകെ 403 എംഎല്‍എമാരാണ് സംസ്ഥാനത്ത് ഉള്ളത്)
5 തവണ കോണ്‍ഗ്രസ് ടിക്കറ്റില്‍ മത്സരിച്ച് ജയിച്ച അന്തരിച്ച അഖിലേഷ് പ്രതാപ് ജിയുടെ പുത്രിയാണ് ഇവര്‍. 2017 ല് കോണ്‍ഗ്രസ് പാര്‍ട്ടി, യുപിയിലെ അന്നത്തെ ഭരണകക്ഷിയായ സമാജ് വാദി പാ4ട്ടിയോടൊപ്പം ചേ4ന്ന് മത്സരിച്ച് 7 പേരെ വിജയിപ്പിക്കുവാന്‍ സാധിച്ചതാണ്. (403 സീറ്റിലും മത്സരിച്ചിരുന്നു.)
അദിതി ജിയും സ്വന്തം പാര്‍ട്ടിയും തമ്മിലുള്ള പിണക്കം കഴിഞ്ഞ വര്‍ഷം മുതല്‍തുടങ്ങിയതാണ് ട്ടോ..കാശ്മീര്‍ ഇന്ത്യയുടെ ഭാഗമാക്കിയപ്പോള്‍ ഇവര്‍ ആ നടപടിയെ സ്വാഗതം ചെയ്തു. ആര്‍ട്ടിക്കിള്‍ 370 ഒഴിവാക്കിയ കേന്ദ്രത്തെ പുകഴ്ത്തി. പലപ്പോഴും പ്രതിപക്ഷത്തായിട്ടും മുഖ്യമന്ത്രി യോഗി ജി യെ പുകഴ്ത്തി രംഗത്ത് വന്നു.
കൊറോണാ കാരണം ലോക്ക്ഡൗണ്‍ പ്രഖ്യാപിച്ച ഉടനെ യോഗിജി രാജസ്ഥാനിലെ കോട്ടയില്‍ കുടുങ്ങി കിടന്ന യുപിയിലെ തൊഴിലാളികളെ സൗജന്യ ബസ്സുകളില്‍ യുപിയിലേക്ക് തിരിച്ചെത്തിച്ചതും അദിതി എംഎല്‍എ പുകഴ്ത്തി. കൊറോണക്കെതിരെ ബിജെപി സര്‍ക്കാര്‍ എടുത്ത നിലപാടുകളെ ഇവര്‍ പുകഴ്ത്തി.
ഇപ്പോള്‍ പ്രിയങ്കാ ജിക്കെതിരെ അവര്‍ നിലപാട് എടുത്തു. അതിഥി തൊഴിലാളികളെ മുന്നില്‍ വെച്ച് ക്രൂരമായ തമാശ കാണിക്കരുത് എന്ന് പറഞ്ഞ് രംഗത്ത് വന്നു. അതിഥി തൊഴിലാളികള്‍ക്ക് ബസ്സ് ഏര്‍പ്പാട് ചെയ്യുന്നുണ്ടെങ്കില്‍ ആദ്യം അവര്‍ കോണ്‍ഗ്രസ് ഭരിക്കുന്ന പഞ്ചാബ്, രാജസ്ഥാന്‍, മഹാരാഷ്ട്രയില്‍ ചെന്ന് അവിടെ ഉള്ള തൊഴിലാളികളെ രക്ഷിക്കു എന്നവര്‍ പറഞ്ഞു. ഇതൊക്കെയാണ് അദിതി ജി യെ പാര്‍ട്ടിയില്‍നിന്നും പുറത്താക്കുവാന്‍ കാരണം..
(വാല്‍് കഷ്ണം.....എന്റെ അഭിപ്രായത്തിന് യുവജനങ്ങള്‍ക്ക് ഇടയില്‍ ഇത്രയും ആരാധകരും, ഭാവിയിലെ വലിയൊരു പ്രതീക്ഷയുമായ ഇവരെ കോണ്‍ഗ്രസ് പാര്‍ട്ടി കൈവിടരുത്. അവര്‍് ഈ പാര്‍ട്ടി വിട്ട് ബിജെപിലില്‍ ചേര്‍ന്നാല്‍ 2022ല് നടക്കേണ്ട യുപി നിയമസഭാ ഇലക്ഷനില്‍ കോണ്‍ഗ്രസ് പാര്‍ട്ടിക്ക്് വലിയ തിരിച്ചടിയാകും. അതിനാല്‍ രാഹുല്‍ ജി ഉടനെ ഈ വിഷയത്തില്‍ പുതിയ തന്ത്രങ്ങള്‍ മെനഞ്ഞ് ഇവരെ എങ്ങനെ എങ്കിലും തിരികെ എത്തിക്കുവാന്‍ ശ്രമിക്കുക. )
പ്ലീസ്് കമന്റ് ബൈ സന്തോഷ് പണ്ഡിറ്റ്... (പണ്ഡിറ്റൊന്നും വെറുതെ പറയാറില്ല, പറയുന്നതൊന്നും വെറുതെ ആകാറുമില്ല..ബി+ ബ്ലഡ് ഗ്രൂപ്പ് ആന്‍ഡ് ബി+ ആറ്റിറ്റിയൂഡ് അതാണ് പണ്ഡിറ്റ്).
Comments