മലയാളത്തില് പാരഡി ഗാനങ്ങള് രചിക്കുകയും അത് വലിയ ഹിറ്റാക്കി മാറ്റുകയും ചെയ്ത വ്യക്തികളില് ഒരാളാണ് നാദിര്ഷ. സിനിമ സംവിധാനവും മറ്റുമായി ഇപ്പോള് പാരഡി രംഗത്തു നിന്നും വിട്ടു നില്ക്കുന്ന നാദിര്ഷ ലോക് ഡൗണ് കാലത്ത് വീണ്ടും പാരഡിയുമായി എത്തിയിരിക്കുകയാണ്.
വര്ഷങ്ങള്ക്കുശേഷം ഒരു പാരഡി രചനയും ആലാപനവും എന്ന തലക്കെട്ടോടെ നാദിര്ഷ തന്നെയാണ് പാരഡി ഗാനം ഫെയ്സ്ബുക്കിലൂടെ പങ്കുവെച്ചത്. വീഡിയോ ഇപ്പോള് വൈറലാണ്.
കോവിഡ് കാലത്ത് വ്യക്തികള് പാലിക്കേണ്ട ജാഗ്രതയെക്കുറിച്ചും, ഒപ്പം ആരോഗ്യപ്രവര്ത്തകര്ക്കും പോലീസുകാര്ക്കും ആദരമര്പ്പിച്ചു കൊണ്ടുള്ളതാണ് പാരഡി ഗാനം. കൂട്ടുകാരുടെ നിര്ബന്ധത്തിലാണ് ഗാനം എഴുതിയത് എന്നാണ് നാദിര്ഷ പറയുന്നത്.
