കൊച്ചി: സന്ദേശ് ജിങ്കാന് കേരള ബ്ലാസ്റ്റേഴ്സ് വിട്ടു. ജിങ്കാനുമായുള്ള കരാര് അവസാനിപ്പിച്ചെന്ന് ബ്ലാസ്റ്റേഴ്സ് ഔദ്യോഗികമായി അറിയിച്ചു. പരസ്പരധാരണ പ്രകാരമാണ് വേര്പിരിയലെന്ന് ബ്ലാസ്റ്റേഴ്സ് വാര്ത്തക്കുറിപ്പില് വ്യക്തമാക്കി. സന്ദേശ് ഞങ്ങളുടെ കുടുംബം വിടുന്നു, പുതിയ വെല്ലുവിളികള് തേടി. കഴിഞ്ഞ ആറുവര്ഷവും ഞങ്ങള് ഒരുമിച്ചാണ് വളര്ന്നത്.
ഇക്കാലത്തിനിടെ ജിങ്കാന് രാജ്യത്തിലെ തന്നെ മികച്ച സെന്റര് ബാക്കുകളില് ഒരാളായി. അതില് ക്ലബ്ബിന് അഭിമാനമുണ്ട്. അദ്ദേഹത്തിന്റെ യാത്രയില് കൂടെചേരാനും പിന്തുണക്കാനും കഴിഞ്ഞതിലും ക്ലബ്ബിന് അഭിമാനമുണ്ട്. ഞങ്ങളുടെ വന്മതിലിന് ഇനിയുള്ള വെല്ലുവിളികള് ഏറ്റെടുക്കാന് എല്ലാവിധ ആശംസകളും നേരുന്നു. ഒരിക്കല് ബ്ലാസ്റ്റര് ആയാല് എല്ലാക്കാലത്തും ബ്ലാസ്റ്റര് ആയിരിക്കും-ക്ലബ്ബ് വ്യക്തമാക്കി.
ജിങ്കാന് ജേഴ്സി നമ്പറായ 21 അദ്ദേഹത്തോടുള്ള ആദരസൂചകമായി ഇനി മറ്റൊരു താരത്തിനും നല്കില്ലെന്നും ബ്ലാസ്റ്റേഴ്സ് മാനേജ്മെന്റ് വ്യക്തമാക്കി. പുതിയ ക്ലബ്ബിലേക്ക് പോകുന്ന ജിങ്കാന് ആശംസകള് നേര്ന്ന് ബ്ലാസ്റ്റേഴ്സ് എഫ് സി ഉടമ നിഖില് ഭരദ്വാജും രംഗത്തെത്തി.
Kerala Blasters and Sandesh Jhingan part ways on mutual consent.
Sandesh leaves our family, to pursue fresh challenges with nothing but love and respect from the entire KBFC community.
(1/3)#YennumBlaster #YennumYellow #ThankyouSandesh pic.twitter.com/vADmIVfahK— K e r a l a B l a s t e r s F C (@KeralaBlasters) May 21, 2020
