വാഷിംഗ്ടണ്: കുടിയേറ്റ ഇതര വീസ പരിപാടിയില് ഇളവ് ആവശ്യപ്പെട്ട് യു.എസ് കോണ്ഗ്രസില് കക്ഷിഭേദമന്യേ അംഗങ്ങളുടെ പ്രമേയം. യു.എസില് പഠിച്ച വിദേശ ടെക്നോളജി പ്രൊഫഷണലുകള്ക്ക് എച്ച്-1ബി വീസയില് മുന്ഗണന അനുവദിക്കുന്നതിനാണ് പ്രമേയം കൊണ്ടുവന്നത്. എച്ച്-1ബി, എല്-1 വിസ റിഫോം ആക്ട് ജനപ്രതിനിധി സഭയിലും സെനറ്റിലും പ്രമേയം വന്നു.
യു.എസില് ഉന്നത പഠനം നടത്തിയ മിടുക്കരായ ്രെപാഫഷണലുകളെയും മികച്ച ബിരുദമുള്ളവരേയും എച്ച്-1ബി വീസയ്ക്ക് അര്ഹരാക്കുകയും അവര്ക്ക് നല്ല ശമ്പളവും മറ്റും ലഭിക്കുന്ന വിധത്തില് ആക്ടില് ഭേദഗതി കൊണ്ടുവരണമെന്നാണ് ആവശ്യം. അമേരിക്കന് പൗരന്മാരായ പ്രൊഫഷണലുകള്ക്കും വിദേശത്തുനിന്നെത്തുന്നവര്ക്കും ഗുണം ചെയ്യുന്നതാണ് ഈ ഭേദഗതി.
