മുഖ്യമന്ത്രി പിണറായി വിജയന്റെ ജീവചരിത്രം പറയുന്ന സിനിമ വി എ ശ്രീകുമാര് മേനോന് സംവിധാനം ചെയ്യാന് പോകുന്നു എന്ന വാര്ത്ത നേരത്തെ തന്നെ പ്രചരിച്ചതാണ്. പിണറായി വിജയന്റെ രൂപസാദൃശ്യമുള്ള മേക്കോവറില് മോഹന്ലാല് പ്രത്യക്ഷപ്പെടുന്ന ഒരു കോണ്സപ്റ്റ് പോസ്റ്ററിന് ഒപ്പമായിരുന്നു വാര്ത്തയും പ്രചരിച്ചത്. എന്നാല് ഇത് വളരെ മുന്പേ ആലോചിച്ച പ്രോജക്ട് ആണെന്നും കണ്സെപ്റ്റ് സ്കെച്ചുകള് ആരോ പുറത്തുവിട്ടതാണെന്നുമായിരുന്നു ശ്രീകുമാര് പറഞ്ഞത്. ഇപ്പോഴിതാ പിണറായി വിജയന്റെ എഴുപത്തിയഞ്ചാം ജന്മദിനമായ ഇന്നും അത്തരത്തില് സൂചനകള് നല്കി ഒരു ഫേസ്ബുക്ക് കുറിപ്പ് പങ്കുവച്ചിരിക്കുകയാണ് വി എ ശ്രീകുമാര്.
വി എ ശ്രീകുമാറിന്റെ ഫേസ്ബുക്ക് പോസ്റ്റ്
കൊമ്രേഡ് പിണറായി വിജയന് എഴുതപ്പെട്ട ആത്മകഥയോ ജീവചരിത്രമോ നിലവിലില്ല. ഞാനും എന്റെ ടീമും രണ്ടു വര്ഷത്തിലേറെയായി സഖാവിനെക്കുറിച്ച് റിസര്ച്ചിലാണ്. പഠിക്കുന്തോറും അദ്ദേഹത്തോട് അടുപ്പം കൂടും. ആ രാഷ്ട്രീയ ശരികളുടെ അനുഭതലത്തില് ആവേശഭരിതരാകും. ബാലറ്റ് രാഷ്ട്രീയത്തിലെ ഇത്തിരി നേട്ടത്തിനായി ശത്രുതാപരമായി സഖാവിനെതിരെ പ്രചരിപ്പിക്കപ്പെട്ട ഒത്തിരി കഥകള് ഒരു ദിവസം തിരുത്തപ്പെടുക തന്നെ ചെയ്യും. അഥവാ, തിരുത്തപ്പെടേണ്ടതുണ്ട്.
പിണറായി ഗ്രാമത്തിലെ ഒരമ്മയും മകനും കരുത്തോടെ വെച്ച ചുവടുവെയ്പ്പാണ് സഖാവ് പിണറായി വിജയന്. ജീവിതത്തില് അദ്ദേഹം അനുഭവിച്ചത്രയും പീഡനങ്ങളും ക്രൂരതകളും കേരള രാഷ്ട്രീയ ചരിത്രത്തിലെ മറ്റൊരു നേതാവും നേരിട്ടിട്ടുണ്ടാവില്ല. അതിനെയെല്ലാം നിശ്ചയ ദാര്ഢ്യത്തോടെ മറികടക്കുന്നതാണ് സഖാവിന്റെ ശൈലി. അമ്മയോട് നന്ദി. മകനെ ഈ നാടിന് വിട്ടു തന്നതിന്... പിറന്നാള് സലാം #കോമ്രേഡ്
