ടെന്നീസ് ആരവങ്ങള്ക്ക് താത്ക്കാലിക ബ്രേക്ക് ആണെങ്കിലും ടെന്നീസ് താരങ്ങള് എപ്പോഴും 'ലൈവ്' തന്നെയാണ്. ലോക പത്താം നമ്പര് താരമായ ജപ്പാന്റെ നവോമി ഓസക്ക ടെന്നീസ് താരങ്ങളുമായി ഇന്സ്റ്റഗ്രാമിലൂടെ ഇന്റര്വ്യൂ നടത്തി സോഷ്യല്മീഡിയയില് സജീവമാണ്. ഏറ്റവും ഒടുവിലായി എടിപി ഫൈനല് ചാമ്പ്യനും ഗ്രീക്ക് താരവുമായ സ്റ്റെഫാനോസ് സിറ്റ്സിപാസുമായാണ് ഒസാക്കയുടെ രസകരമായ ചാറ്റ് നടന്നത്.
സിറ്റ്സിപാസിന്റെ തലമുടിയുടെ രഹസ്യം ആയിരുന്നു ഒസാക്കയ്ക്ക് അറിയേണ്ടിയിരുന്നത്. എന്നാല് താരത്തിന്റെ മറുപടി കേട്ട് ഒസാക്ക വാ പൊളിച്ചു. ഒസാക്കയെ കളിപ്പിക്കാന് യമണ്ടന് കള്ളം പറഞ്ഞത് ഒസാക്ക അതേപടി വിശ്വസിക്കുകയും ചെയ്തു.
താന് ആദ്യം ഗ്രീക്ക് ഒലിവ് ഓയില് പുരട്ടും. തുടര്ന്ന് വസാബിയും വിനാഗിരയും കൂടെ ചേര്ക്കും, ഇത് ശരിക്ക് പുരട്ടും. തുടര്ന്ന് 25-30 മിനിറ്റോളം കഴിഞ്ഞ് തല കഴുകും. തീര്ച്ചയായും കൂടെ മയോണൈസ് പുരട്ടും, അത് ഉറപ്പാണ്.. ഇത് ആഴ്ചയില് ഒരിക്കല് വീതം ചെയ്യും... ഇതായിരുന്നു സിറ്റ്സിപാസിന്റെ യമണ്ടന് രഹസ്യ കഥ.
