തൃശൂര്‍: അവിനാശി അപകടത്തില്‍ മരിച്ച മുതുവറ ചിറ്റിലപ്പിള്ളി കുറുങ്ങാട്ടുവളപ്പില്‍ ഹനീഷിന്റെ ഭാര്യ ശ്രീപാര്‍വതിയെ (24) വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. ഫെബ്രുവരി 20നായിരുന്നു അവിനാശിയില്‍ കെ.എസ്.ആര്‍.ടി.സി വോള്‍വോ ബസ് അപകടത്തില്‍പെട്ടത്.
വീടിന്റെ രണ്ടാംനിലയില്‍ കിടപ്പുമുറിയിലാണ് ശ്രീലക്ഷ്മിയെ തൂങ്ങിമരിച്ച നിലയില്‍ കണ്ടെത്തിയത്.
വിവാഹം കഴിഞ്ഞ് മാസങ്ങളായിട്ടേ ആയിരുന്നുള്ളൂ. ഭാര്യ വീട്ടിലേക്കു പോകാന്‍ നല്ല സമയവും കുറിപ്പിച്ചിരുന്നായിരുന്നു ഹനീഷ് ബംഗളുരുവില്‍നിന്നു തിരിച്ചത്. ഏറെക്കാലത്തെ പ്രണയത്തിനൊടുവിലായിരുന്നു ഇരുവരുടെയും വിവാഹം. ഇരുവരുടെയും കൂട്ടുകാരന്‍ ശ്യാമിന്റെ വിവാഹനിശ്ചയത്തില്‍ പങ്കെടുക്കാനാണ് ബെംഗളൂരുവില്‍നിന്ന് ഹനീഷ് നാട്ടിലേക്കു യാത്ര തിരിച്ചത്.
എന്നാല്‍, ആ യാത്ര പൂര്‍ത്തീകരിക്കാനായില്ല. ഏറെ സ്വപ്നം കണ്ട ജീവിതത്തില്‍ ഇനി ഹനീഷില്ലെന്നത് ശ്രീലക്ഷ്മിക്ക് ഉള്‍ക്കൊള്ളാനാകുമായിരുന്നില്ല. അങ്ങനെ ഒടുവില്‍ ഹനീഹിന്റെ അടുത്തേക്ക് ശ്രീലക്ഷ്മിയും യാത്രയായി.
Comments