കൊറോണ വൈറസിന്റെ വ്യാപനത്തെ തുടര്ന്ന് ജനപ്രിയ റിയാലിറ്റി ഷോ ആയ ബിഗ്ബോസ് സീസണ് 2 താല്ക്കാലികമായി അവസാനിപ്പിച്ചിരുന്നു. ഷോയിലെ ഏറ്റവും ശക്തനായ മത്സരാര്ത്ഥിയായിരുന്നു ഡോ.രജിത് കുമാര്. ഏറ്റവും കൂടുതല് ആരാധകരെ സമ്മാനിച്ച മത്സരാര്ത്ഥി കൂടിയായിരുന്നു രജിത്ത് കുമാര്. ഇപ്പോള് വിവാഹത്തെ കുറിച്ച് വെളിപ്പെടുത്തി രംഗത്ത് എത്തിയിരിക്കുകയാണ് രജിത്ത്.
''എനിക്ക് നിബന്ധനകളുണ്ട് വിവാഹത്തിന്, അതെല്ലാം ഒത്തു ഒരാള് വന്നാല് നോക്കും. ഡിഗ്രികള് എന്റെയത്ര ഇല്ലെങ്കിലും കുറേയെങ്കിലും വേണം. ആറേഴ് നിബന്ധനകളുണ്ട് വിവാഹത്തിന് അതിലൊന്നാമത്തെ കാര്യം ഇതാണ്. എന്നേക്കാളും ആക്ടീവായിരിക്കണം, എനിക്ക് വയ്യാതെ വന്നാലും സാമൂഹ്യ പ്രവര്ത്തനങ്ങള് തുടര്ന്നും ചെയ്യാന് ആ കുട്ടിക്ക് കഴിയണം. ഒരിക്കലുമൊരു കുമാരിയെ വിവാഹം ചെയ്യില്ല, ഇതാണ് അടുത്ത നിബന്ധന. വിവാഹമോചനം നേടിയവരോ, ഭര്ത്താവ് മരിച്ചവരോ അങ്ങനെയുള്ള ഒരാളെയേ വിവാഹം കഴിക്കുകയുള്ളൂ.
കല്യാണം കഴിഞ്ഞാല് 10 വര്ഷത്തേക്ക് അധികം കാണരുത്, ഇടയ്ക്കിടയ്ക്ക് കണ്ടാല് മതി. സകലസമയവും ഒപ്പമുണ്ടാവരുത്. ഭാര്യ- ഭര്ത്താവ്-കുട്ടികള് ഈ സങ്കല്പ്പത്തോട് താല്പര്യമില്ല. വിവാഹം ചെയ്യാന് പോവുന്ന സ്ത്രീക്ക് മക്കളുണ്ടാവാന് പാടില്ല. മക്കളെ ഇഷ്ടമല്ലാത്തത് കൊണ്ടല്ല, മക്കളെ ഒരുപാട് ഇഷ്ടമാണ്. ഭാര്യയും മക്കളുമൊക്കെയായി പോവുമ്പോള് സമൂഹത്തെ നഷ്ടമാവും. അത് പറ്റില്ല. എനിക്കെല്ലാം സമൂഹമാണ്. '' - രജിത് പറയുന്നു.
