കൊച്ചി: ലോക്ഡൗണിനു ശേഷം പള്ളികള് തുറക്കുന്നത് സംബന്ധിച്ച് അതാത് ഇടവകകള്ക്ക് തീരുമാനിക്കാമെന്ന് വരാപ്പുഴ ലത്തീന് അതിരൂപത. തിരക്കിട്ട് പള്ളികള് തുറക്കേണ്ടതില്ലെന്ന് ചില പള്ളികള് തീരുമാനമെടുത്തിരുന്നു. ഇതിനു പിന്നാലെയാണ് അതാത് പള്ളികള്ക്ക് തീരുമാനമെടുക്കാന് അതിരൂപത അനുവാദം നല്കിയത്.
അതേസമയം പ്രാധാന്യമുള്ള ദിവസങ്ങളില് ഒരേ സമയം 15 ല് പേരില് കൂടുതല് വിശ്വാസികളെ പ്രവേശിപ്പിക്കരുതെന്നും അതിരൂപത നിര്ദേശം നല്കിയിട്ടുണ്ട്. ജൂണ് 30 വരെ പള്ളികള് തുറക്കേണ്ടതില്ലെന്നാണ് എറണാകുളം-അങ്കമാലി അതിരൂപതയുടെ തീരുമാനം.
എന്നാല് സര്ക്കാര് നിര്ദേശങ്ങള് പാലിച്ച് പള്ളികള് തുറക്കാമെന്ന് യാക്കോബായ സഭ തീരുമാനിച്ചിട്ടുണ്ട്.65 വയസിന് മുകളില് പ്രായമുള്ള വൈദികരോ വിശ്വാസികളോ പള്ളികളില് എത്തേണ്ടതില്ലെന്നും ബസേലിയോസ് തോമസ് പ്രഥമന് കാതോലിക്ക ബാവ സര്ക്കുലറില് അറിയിച്ചിരുന്നു.
