തിരുവനന്തപുരം: കോവിഡിനെ തുടര്ന്നുള്ള ലോക്ക്ഡൗണില് സാധാരണ കൗണ്ടറുകളായി പ്രവര്ത്തിക്കുകയായിരുന്ന ബവ്റിജസ് കോര്പറേഷന്റെ സെല്ഫ് സര്വീസ് കൗണ്ടറുകള് നാളെ മുതല് പ്രവര്ത്തനം ആരംഭിക്കും. ലോക്ക്ഡൗണില് ഇളവുകള് പ്രഖ്യാപിച്ച സാഹചര്യത്തിലാണ് പുതിയ തീരുമാനം.
ഇളവുകളുടെ ഭാഗമായി കൂടുതല് സ്ഥാപനങ്ങള്ക്ക് പ്രവര്ത്തനാനുമതി ലഭിച്ചിട്ടുണ്ട്. കൂടാതെ മാളുകള്ക്കും റസ്റ്റോറന്റുകള്ക്കും പ്രവര്ത്തനാനുമതി ലഭിച്ചു. ഈ സാഹചര്യത്തിലാണ് സെല്ഫ് സര്വീസ് കൗണ്ടറുകളും തിരികെ എത്തുന്നത്.
എന്നാല്, വെര്ച്വല് ക്യൂവില് ബുക്ക് ചെയ്യുന്നവര്ക്ക് മാത്രമേ സെല്ഫ് സര്വീസ് കൗണ്ടറില്നിന്ന് മദ്യം ലഭിക്കൂ. സര്ക്കാര് നിര്ദേശങ്ങള് കര്ശനമായി പാലിക്കുകയും വേണം. ഒരു സമയം 5 ഉപഭോക്താക്കള്ക്ക് മാത്രമാണ് സൗകര്യം പ്രയോജനപ്പെടുത്താനാകൂ. കൗണ്ടറിനുള്ളില് എയര് കണ്ടിഷനറുകള് പ്രവര്ത്തിപ്പിക്കാനും പാടില്ല.
