ബംഗലൂരു: കൊവിഡ് കാലത്ത് വീണ്ടുമൊരു വി.ഐ.പി വിവാഹത്തിന് കര്ണാടക ഒരുങ്ങുന്നു. കര്ണാടക കോണ്ഗ്രസ് അധ്യക്ഷനും മുന്മന്ത്രിയുമായ ഡി.കെ ശിവകുമാറിന്റെ മകള് ഐശ്വര്യയും കഫേ കോഫി ഡേ ഉടമയായിരുന്ന വി.ജി സിദ്ധാര്ത്ഥയുടെ മകന് അമര്ത്യ ഹെഗ്ഡെയുമാണ് വിവാഹിതരാകുന്നത്. ഇവരുടെ നിശ്ചയ ചടങ്ങ് തിങ്കാളാഴ്ച സദാശിവനഗറിലെ എസ്.എം കൃഷ്ണ റെസിഡന്സില് നടന്നു.
അടുത്ത കുടുംബാംഗങ്ങള് മാത്രമാണ് ചടങ്ങില് പങ്കെടുത്തത്. മുന് കേന്ദ്രമന്ത്രി എസ്.എം കൃഷ്ണയുടെ ചെറുമകനാണ് അമര്ത്യ ഹെഗ്ഡെ. കഴിഞ്ഞ വര്ഷം ജൂലായിലാണ് കഫേ കോഫി ഡേ ഉടമയായിരുന്ന വി.ജി സിദ്ധാര്ത്ഥ നേത്രാവതി നദിയില് ചാടി ജീവനൊടുക്കിയത്.
കൊവിഡ് ലോക്ഡൗണ് കാലത്താണ് ജെ.ഡി.എസ് നേതാവും മുന് മുഖ്യമന്ത്രി എച്ച്.ഡി കുമാരസ്വാമിയുടെ മകനും വിവാഹിതനായത്.
