തെന്നിന്ത്യയിലെ ശ്രദ്ധേയ താരമായ ഖുശ്ബുവിന്റെ തുറന്നു പറച്ചിലാണ് ഇപ്പോള് ശ്രദ്ധേയമാകുന്നത്. താനും വിഷാദരോഗത്തിന് അടിമയായിരുന്നെന്ന വെളിപ്പെടുത്തലാണ് ഖുശ്ബു നടത്തിയിരിക്കുന്നത്. എല്ലാം അവസാനിപ്പിക്കാനിരുന്ന ഞാന് സ്വയം യുദ്ധം ചെയ്താണ് ജീവിതത്തിലേക്ക് തിരികെ വന്നതെന്നും ട്വിറ്ററില് പങ്കുവെച്ച കുറിപ്പിലൂടെ ഖുശ്ബു പറയുന്നു.
ഖുശ്ബുവിന്റെ കുറിപ്പ് വായിക്കാം...
'' ഇന്ന് എല്ലാവരും വിഷാദത്തിലൂടെ കടന്നുപോകുകയാണ്.അല്ലെന്ന് പറഞ്ഞാല് ഞാന് കള്ളം പറയുന്നതാകും.എല്ലാം അവസാനിപ്പിക്കാന് ഞാനും ആഗ്രഹിച്ചിരുന്നു. പക്ഷേ മനസില് തോന്നിയ എല്ലാ ചീത്ത വിചാരങ്ങളോടും ഞാന് അവയെക്കാള് ശക്തയാണെന്ന് തെളിയിക്കാന് ആഗ്രഹിച്ചു. എന്നെ പരാജയപ്പെടുത്താന് ആഗ്രഹിക്കുന്നതിനേക്കാള് ശക്ത. ഞാന് അവസാനിക്കുന്നത് കാണാന് ആഗ്രഹിച്ചവരേക്കാള് ശക്ത. ഒരു കാലഘട്ടത്തില് എനിക്ക് ജീവിതം സ്തംഭിച്ചതായി തോന്നി. കരകയറുമെന്ന തോന്നലേ ഉണ്ടായില്ല.എന്നെ ഏറെ ഭയപ്പെടുത്തിയ കാലമായിരുന്നു അത്. അതൊന്നുമല്ലേ പ്രശ്നങ്ങള്ക്ക് മേല് കണ്ണടച്ച് ജീവിക്കണം.അതിന് എന്നെന്നേക്കുമായി ഉറങ്ങുക എന്നതായിരുന്നു എളുപ്പവഴി. പക്ഷേ എന്നെ മനസ് തിരിച്ചുവിളിച്ചു, സുഹൃത്തുക്കള് തിരിച്ചുവിളിച്ചു.
ആ ഇരുണ്ട കാലത്ത് ഒരു പ്രകാശകിരണത്തിനായി, ഒരു പ്രതീക്ഷയ്ക്കായി ഞാന് പ്രയാസപ്പെട്ടു.എന്തിനാണ് ഞാന് എല്ലാവരേയും വിട്ടുപോകുന്നതെന്ന് ചിന്തിച്ചു.എന്നാല് പരാജയത്തെ ഞാന് ഭയപ്പെടുന്നില്ല. ഇരുട്ടിനെ ഭയപ്പെടുന്നില്ല, അഞ്ജാതമായ ഒരു ശക്തിയേയും ഭയപ്പെടുന്നില്ല. എനിക്കറിയാം ഞാന് ഇത്രയും ദൂരം എത്തിയത് മനസുകൊണ്ട് ഒരുപാട് യുദ്ധം ചെയ്തശേഷമാണ്.അതാണ് വിജയം.'' ഖുശ്ബു കുറിച്ചു.
