ബിഗ് ബോസ് സീസണ് 2-വിലൂടെ ശ്രദ്ധേയ ആയ താരമാണ് അലക്സാന്ഡ്ര. ബിഗ് ബോസിനകത്തും പുറത്തും ഏറെ ചര്ച്ചയായ പ്രണയമായിരുന്നു സുജോ അലക്സാന്ഡ്ര പ്രണയം. ഇപ്പോളിതാ അന്ന് സുജോയുമായി അടുപ്പം തോന്നാനുള്ള കാരണം വെളിപ്പെടുത്തുകയാണ് സാന്ഡ്ര. കുറച്ചു നാള് മുന്പ് ഒരു എഫ് എം റേഡിയോയ്ക്ക് നല്കിയ അഭിമുഖത്തിലാണ് സാന്ഡ്ര സുജോയോട് പ്രണയം തോന്നാനുള്ള കാരണം വെളിപ്പെടുത്തിയത്.
'' ബിഗ് ബോസ് ഷോ അവസാനിച്ചപ്പോള് വല്ലാതെ സങ്കടം തോന്നി. പ്രത്യേക സാഹചര്യം കൊണ്ടാണ് ഷോ അവസാനിപ്പിച്ചതെങ്കിലും ആ സമയത്ത് വല്ലാത്ത വിഷമം തോന്നിയിരുന്നു. ഷോ അവസാനിപ്പിക്കുന്നു എന്ന അറിയിപ്പ് വന്നതിന് ശേഷം, ബാത്ത് റൂമിന്റെ സോഫയില് പോയി ഇരുന്ന് കുറെ നേരം പഴയ കാര്യങ്ങള് ചിന്തിച്ചിരുന്നു. ഹൗസിലെ പൂളും അവിടത്തെ ഓരോ കോണും മികച്ച ഓര്മകളായിരുന്നു നല്കിയത്.
ഏഴ് വര്ഷം ഒരു ക്യാപ്റ്റനോടൊപ്പം ഫ്ലൈ ചെയ്താല് ചിലപ്പോള് അയളോട് പ്രണയം തോന്നാം. എന്നാല് അത് ഒരിക്കലും നടക്കില്ല. ദിവസവും മാറി കൊണ്ടിരിക്കുകയാണ്. എന്നാല് സുജോയുടെ കൂടെ ഒരു 60 ദിവസം ഉണ്ടായിരുന്നു. ആദ്യത്തെ കുറെ ദിവസം അവന് ആരോടും അധികം സംസാരിക്കാറില്ലായിരുന്നു. അത് കഴിഞ്ഞ് അവന് ഡോക്ടറുമായിട്ടായിരുന്നു അധികം സംസാരിക്കാറുള്ളത്. പിന്നെ അധികം സംസാരിച്ചിരുന്നത് എന്നോട് ആയിരുന്നു. അങ്ങനെ സംസാരിച്ച് സുഹൃത്തുക്കളായി. ആ വീട്ടില് സംസാരം അല്ലാതെ മറ്റൊരു പണിയും ഇല്ലല്ലോ. അങ്ങനെ സംസാരിച്ച് അത് സംഭവിക്കുകയായിരുന്നു.
സാധാരണ ഗതിയില് ഒരാള് ഇട്ടിട്ട് പോയാല് എല്ലാവരും ഓക്കെ പറഞ്ഞ് പിരിയും. എന്നാല് ഞാന് പിന്നാലെ പോകും. എന്നെ ഇട്ടിട്ട് പോകല്ലേ. ഞാന് എല്ലാം ശരിയാക്കാം എന്ന് പറഞ്ഞ് വീണ്ടും അവരുടെ പിന്നാലെ നടക്കും. എന്നാല് ഇപ്പോഴത്തെ സാന്ഡ്ര അങ്ങനെയല്ല. ഷോ കഴിഞ്ഞ് പുറത്തു വന്നതോടെ പുതിയ സാന്ഡ്രയാണ്. ട്രോളുകളെ സപ്പോര്ട്ട് ചെയ്യുകയും ആസ്വദിക്കുകയും ചെയ്യുന്ന ആളാണ് ഞാന്. രസകരമായ ട്രോളുകളെയാണ് പിന്തുണക്കുന്നത്. ആളുകളെ രൂക്ഷമായി വിമര്ശിക്കുന്നതും വേദനപ്പിക്കുന്നതുമായ ട്രോളുകള്ക്ക് എതിരാണ്. കാരണം ഒരാളെ വ്യക്തിഹത്യ ചെയ്യുന്നതിനോട് യോജിപ്പില്ല. ചിരിപ്പിക്കുന്ന ട്രോളുകളെ ഇഷ്ടമാണ്. അതിനെ സ്വാഗതം ചെയ്യുന്നു'' - അലക്സാന്ഡ്ര പറഞ്ഞു.
