കൊച്ചി: ശ്രീശാന്തിന്റെ പന്തുകള്ക്ക് പഴയ മൂര്ച്ച തന്നെയാണെന്ന് വെളിപ്പെടുത്തി കേരള ടീം ക്യാപ്റ്റന് സച്ചിന് ബേബി. ശ്രീയുടെ പന്തുകള് കളിക്കാന് പ്രയാസമാണെന്നും നെറ്റ്സിലെ അനുഭവം പറഞ്ഞ് സച്ചിന് ബേബി വ്യക്തമാക്കി. ടെലിവിഷന് അവതാരകന് അരുണ് വേണുഗോപാലിന്െളറ ഹോം റണ് വിത് എ.വി. എന്ന ഇന്സ്റ്റഗ്രാം ഷോയില് പങ്കെടുത്ത് സംസാരിക്കുകയായിരുന്നു അദേഹം.
ശ്രീശാന്ത് എനിക്ക് സഹോദര തുല്യനാണ്. കഴിഞ്ഞ ഏഴു വര്ഷത്തോളമായി അദേഹം കേരള ടീമിലേക്ക് മടങ്ങിയെത്തുന്നത് കാത്തിരിക്കുന്ന ഒരാളാണ് ഞാന്. ഏതാനും വര്ഷങ്ങളായി ഒന്നിച്ച് പരിശീലിക്കുകയും ചെയ്യുന്നുണ്ട്. നെറ്റ്സില് ശ്രീാശാന്തിന്റെ ബൗളിങ്ങ് അപാരമാണ്. അദേഹത്തിന്റെ പന്തുകള് കളിക്കാന് പ്രയാസമാണ്. പേസും സ്വിങ്ങും നമ്മെ ബുദ്ധിമുട്ടിക്കും സച്ചിന് ബേബി പറഞ്ഞു.
ഐപിഎല്ലിലെ കോഴവിവാദ്െത തുടര്ന്ന് ശ്രീശാന്തിന് ഏര്പ്പെടുത്തിയ വിലക്കിന്റെ കാലാവധി സെപ്റ്റംബറില് അവസാനിക്കാനിരിക്കെ കായികക്ഷമത തെളിയിച്ചാല് താരത്തെ ടീമിലേക്ക് പരിഗണിക്കുമെന്ന് കഴിഞ്ഞ ദിവസം കേരള ക്രിക്കറ്റ് അസോസിയേഷന് വ്യക്തമാക്കിയിരുന്നു.
