നയന് താര കോവിഡ് ബാധിതയായെന്ന വാര്ത്തകളോട് വീഡിയോയിലൂടെ പ്രതികരിച്ച് വിഘ്നേശ് ശിവനും നയന്സും. കോവിഡ് വാര്ത്ത സോഷ്യല്മീഡിയയുടെയും മാധ്യമങ്ങളുടെയും ഭാവനയാണെന്നും ഇന്സ്റ്റഗ്രാം പോസ്റ്റിലൂടെ ഇരുവരും പ്രതികരിച്ചു.
വ്യാജ വാര്ത്തയോട് കൗതുകം ഉണര്ത്തുന്ന രീതിയിലാണ് ഇരുവരും പ്രതികരിച്ചത്. ഫേസ് ആപ്പ് വഴി കുട്ടികളുടെ മുഖത്തിനു സമാനമായ വീഡിയോയിലാണ് ഇരുവരും പ്രതികരിക്കാന് എത്തിയത്. വാര്ത്ത നേരിട്ടത് വീഡിയോയില് കാണുന്ന അതേ ചിരിയോടെയാണ് എന്ന് പറഞ്ഞാണ് ഇരുവരും ഇന്സ്റ്റയില് കുറിപ്പിട്ടത്.
ഒരു തമിഴ് ദിനപത്രത്തിലാണ് നയന്താരയെ എഗ്മോര് ആശുപത്രിയില് പ്രവേശിപ്പിച്ചതായി റിപ്പോര്ട്ട് വന്നത്. കോവിഡ് ലക്ഷണങ്ങളോടെ താരത്തെ ആശുപത്രിയല് പ്രവേശിപ്പിച്ചു എന്നായിരുന്നു റിപ്പോര്ട്ട്. വിഘ്നേശ് സംവിധാനം ചെയ്യുന്ന 'കാതു വാകുല രണ്ടു കാതല്' എന്നീ സിനിമയുടെ തിരക്കിലാണ് ഇരുവരും. നയന്താരയാണ് ചിത്രത്തില് നായികയാകുന്നത്.
രസകരമായ ഇന്സ്റ്റഗ്രാം വീഡിയോ കാണാം;
