കൊച്ചി : കൊവിഡ് ലോക്ക് ഡൗണിനിടെ ഷൂട്ടിംഗ് തുടങ്ങുന്ന പുതിയ സിനിമകള്ക്ക് ഫെഫ്കയുടെ പിന്തുണ. പുതിയ സിനിമകളുടെ ഷൂട്ടിംഗ് അനുമതിയോടെയെന്ന് ഫെഫ്ക വ്യക്തമാക്കി. എല്ലാ സംവിധായകരും ഫെഫ്കക്ക് കത്ത് നല്കിയിട്ടുണ്ട്.
സിനിമാ ഷൂട്ടിംഗ് നിര്ത്തിവയ്ക്കാന് കഴിയില്ല. മൂന്ന് മാസമായി തൊഴിലാളികള് ദുരിതത്തിലാണ് ആരോടും ജോലി ചെയ്യണ്ട എന്ന് പറയാനാകില്ലെന്നും ഫെഫ്ക നേതൃത്വം പറയുന്നു.
പുതിയ സിനിമകളുടെ ഷൂട്ടിംഗ് തുടങ്ങുന്നതിനെതിരെ നിര്മ്മാതാക്കളുടെ സംഘടന രംഗത്തെത്തിയിരുന്നു. കൊവിഡ് കാലത്ത് മുടങ്ങിയ ചിത്രങ്ങള് പൂര്ത്തിയാക്കാതെ പുതിയ സിനിമകളുടെ ചിത്രീകരണം തുടങ്ങരുതെന്നാണ് നിര്മ്മാക്കളുടെ സംഘടന ആവശ്യപ്പെട്ടത്.
പുതിയ സിനിമയുടെ ചിത്രീകരണം തുടങ്ങിയാല് അണിയറ പ്രവര്ത്തകര്ക്കെതിരെ നടപടിയുണ്ടാകുമെന്ന് പ്രൊഡ്യൂസേഴ്സ് അസോസിയേഷന് വ്യക്തമാക്കിയിരുന്നു.
എന്നാല് നിര്മ്മാതാക്കളുടെ സംഘടനയുടെ ആവശ്യം തള്ളി ഷൂട്ടിംഗ് ആരംഭിക്കാനുള്ള ശ്രമത്തിലാണ് ചില സംവിധായകര്.
