കോട്ടയം: ചങ്ങനാശേരി അതിരൂപതയിലെ പുന്നത്തുറ വെള്ളാപ്പള്ളി സെന്റ് തോമസ് ചര്ച്ച് വികാരി റവ. ഫാ. ജോര്ജ് എട്ടുപറയുടെ അസ്വഭാവിക മരണത്തില് അതിരൂപതയുടെ അഗാധമായ ദു:ഖവും അനുശോചനവും അറിയിക്കുന്നു.
2020 ഫെബ്രുവരി മാസത്തിലാണ് അദ്ദേഹം പുന്നത്തുറ പള്ളി വികാരിയായി ചുമതലയേറ്റത്. കുറച്ചു നാളുകള്ക്കുമുന്പ് പള്ളി കോമ്പൗണ്ടില് ഉണ്ടായ തീപിടുത്തത്തില് ചിലര്ക്ക് പരിക്ക് പറ്റിയ സംഭവം രക്തസമ്മര്ദ്ദരോഗിയായിരുന്ന അദ്ദേഹത്തിന് വലിയ വിഷമത്തിന് ഇടയായിട്ടുണ്ടെന്ന് മനസ്സിലായിട്ടുള്ളതാണ്.
ബഹുമാനപ്പെട്ട ജോര്ജ്ജ് എട്ടുപറയച്ചന്റെ അകാല നിര്യാണത്തില് ദു:ഖിക്കുന്ന കുടുംബാംഗങ്ങളുടെയും പുന്നത്തുറ ഇടവകയുടെയും ദു:ഖത്തില് ചങ്ങനാശേരി അതിരൂപതാ കുടുംബം മുഴുവന് പങ്കുചേരുന്നു. പോലീസിന്റെ എല്ലാ നിയമനടപടികളോടും അതിരൂപത പൂര്ണ്ണമായി സഹകരിക്കുന്നതാണ്. പരേതന്റേയും കുടുംബാംഗങ്ങളുടെയും അതിരൂപതയുടെയും വികാരത്തെ എല്ലാവരും മാനിക്കണമെന്ന് അഭ്യര്ത്ഥിക്കുന്നു.
അഡ്വ. ജോജി ചിറയില് (അതിരൂപതാ പി.ആര്.ഒ)
ഫാ. ആന്റണി തലച്ചെല്ലൂര് (ജാഗ്രതാസമിതി കോ-ഓര്ഡിനേറ്റര്)
