വൈദ്യുതി ബില്ല് കണ്ട് ഞെട്ടിയിരിക്കുകയാണ് നടി തപ്സി പന്നു. മൂന്ന് മാസമായി അടച്ചിട്ടിരുന്ന വീട്ടില് സാധാരണ വരുന്നതിനേക്കാള് മൂന്നിരട്ടി തുകയാണ് ബില് വന്നതെന്ന് തപ്സി ട്വിറ്ററില് കുറിച്ചു. ഇത്തരത്തില് ഭ്രാന്തമായ ബില്ല് വരാന് പുതിയ എന്ത് ഉപകരണങ്ങളാണ് ലോക്ഡൗണിനിടെ താന് വാങ്ങിയത് എന്നറിയില്ല എന്ന് താപ്സി ട്വീറ്റ് ചെയ്തു. ഏപ്രില്, മെയ്, ജൂണ് മാസങ്ങളിലെ വൈദ്യുതി ബില്ല് പങ്കുവച്ചാണ് താപ്സിയുടെ ട്വീറ്റ്.
ഏപ്രിലില് 4390 ആയിരുന്നു ബില്ല്, മെയില് 3850. എന്നാല് ജൂണ് മാസം ആയടപ്പോള് 36,000 രൂപയാണ് താപ്സി പാനുവിന് ലഭിച്ച ബില്. സാധാരണ ലഭിക്കുന്നതിന്റെ പത്ത് മടങ്ങാണ് ഇതെന്ന് താരം വ്യക്തമാക്കുന്നു. എന്ത് തരത്തിലുള്ള പവറിന്റെ പണമാണ് ഈടാക്കുന്നതെന്നും താപ്സി ചോദിക്കുന്നു.
3 months of lockdown and I wonder what appliance(s) I have newly used or bought in the apartment only last month to have such an insane rise in my electricity bill. @Adani_Elec_Mum what kind of POWER r u charging us for? pic.twitter.com/jZMMoxDMgj
— taapsee pannu (@taapsee) June 28, 2020
'മൂന്ന് മാസത്തെ ലോക്ഡൗണ്, എന്റെ വൈദ്യുതി ബില്ലില് ഇത്രയും വലിയ ഉയര്ച്ചയുണ്ടായത് കഴിഞ്ഞ മാസം മാത്രമാണ്. ഞാന് അപ്പാര്ട്ട്മെന്റില് പുതുതായി ഉപയോഗിച്ചതോ വാങ്ങിയതോ ആയ ഉപകരണങ്ങളാണ് ഇതിന് കാരണം'. ഈ അപാര്ട്മെന്റില് ആരും താമസിക്കുന്നില്ലെന്നും വൃത്തിയാക്കാനായി ഒരിക്കല് മാത്രമേ അവിടെ പോയിട്ടുള്ളുവെന്നും താപ്സി മറ്റൊരു ട്വീറ്റില് വ്യക്തമാക്കി. തങ്ങളുടെ അപാര്ട്മെന്റില് വേറെ ആരോ കഴിയുന്നുണ്ടെന്നും യാഥാര്ഥ്യം കണ്ടെത്താന് സഹായിക്കണമെന്നും താപ്സി ട്വീറ്റ് ചെയ്തു.
3 months of lockdown and I wonder what appliance(s) I have newly used or bought in the apartment only last month to have such an insane rise in my electricity bill. @Adani_Elec_Mum what kind of POWER r u charging us for? pic.twitter.com/jZMMoxDMgj
— taapsee pannu (@taapsee) June 28, 2020
പരാതികള് അറിയിക്കുന്നതിനായി ഒരു ലിങ്കാണ് വൈദ്യുതി കമ്പനി നല്കിയത്. എന്നാല് പരാതി നല്കാന് ശ്രമിച്ചപ്പോള് ആ വെബ്സൈറ്റില് കയറാന് പറ്റുന്നില്ലെന്നും താപ്സി വ്യക്തമാക്കി.
