മോഹന്ലാലും മീര വാസുദേവും നായികാ നായകന്മാരായ ചിത്രമായിരുന്നു തന്മാത്ര. ബ്ലസി സംവിധാനം ചെയ്ത ചിത്രം നിരവധി അവാര്ഡുകളും വാരിക്കൂട്ടിയിരുന്നു. ചിത്രത്തിന്റെ അവസാന ഭാഗത്ത് നഗ്ന രംഗം ഉണ്ടായിരുന്നു. അതുകൊണ്ടു തന്നെ പലരും ചിത്രത്തില് നിന്ന് പിന്മാറിയിരുന്നു. എന്നാല് അവിടേക്ക് വളരെ ധൈര്യത്തോടെ എത്തിയ നടിയായിരുന്നു മീര വാസുദേവ്. ആ രംഗത്തില് അഭിനയിച്ചതിനെ കുറിച്ച് ഒരു പ്രമുഖ മാധ്യമത്തോട് മനസ് തുറക്കുകയാണ് മീര വാസുദേവ്.
തനിക്ക് ആ രംഗം ഒരു പ്രശ്നമായി തോന്നിയില്ലെന്നാണ് മീര വാസുദേവന് പറയുന്നത്. മോഹന്ലാല്, ഒരു വലിയ പ്രൊഫൈലില് നില്ക്കുന്ന നടനാണ്. എന്നിട്ട് പോലും അദ്ദേഹം ഈ സീന് അഭിനയിക്കാന് തയ്യാറായി. മോഹന്ലാല് സാറിനൊപ്പം ഈ സീന് ചെയ്തതില് തനിക്ക് സന്തോഷവും അഭിമാനവും ഉണ്ടെന്ന് മീര പറഞ്ഞു. സിനിമയെക്കുറിച്ചുള്ള ചര്ച്ചകള് ആരംഭിച്ചപ്പോള് തന്നെ സംവിധായകന് ബ്ലസിയോട് ഈ സീനിനെ പറ്റി ദീര്ഘനേരം സംസാരിച്ചിരുന്നു.
എന്നാല് ഒരു ഒറ്റ കണ്ടീഷന് മാത്രമാണ് മീര ബ്ലസിക്ക് മുന്നില് വെച്ചത്. ഷൂട്ട് ചെയ്യുന്ന സമയം ചിലരെ ഒഴിവാക്കണം. ഇതായിരുന്നു മീരയുടെ ഡിമാന്ഡ്. സംവിധായകന് ബ്ലസി, ക്യാമറാമാന്, അസോസിയേറ്റ് ക്യാമാറമാന്, മോഹന്ലാലിന്റെ മേക്കപ്പ്മാന്, പിന്നെ തന്റെ ഹെയര് സ്റ്റൈലിസ്റ്റ് എന്നിവര് മാത്രമാണ് ചിത്രീകരണസമയത്ത് ആ റൂമില് ഉണ്ടായിരുന്നതെന്ന് മീര പറഞ്ഞു. തന്റെ കരിയറിലെ വലിയ നേട്ടമായിരുന്നു ഈ സിനിമയെന്നും മീര പറഞ്ഞു.
