രണ്ട് വര്ഷം മുമ്പ് ചിത്രീകരണം കഴിഞ്ഞ സിനിമ ഉടന് പുറത്തിറങ്ങുമെന്ന് നടി ഷക്കീല. 'എന്റെ എല്ലാ സമ്പാദ്യവും പലിശയ്ക്ക് പണവുമെടുത്ത് ഞാന് നിര്മിച്ച ചിത്രം നിങ്ങളുടെ മുന്നിലേക്ക് വരികയാണ്. 'ലേഡീസ് നോട്ട് അലൗഡ്' എന്നാണ് സിനിമയുടെ പേര്. ഒടിടി പ്ലാറ്റ്ഫോമുകള് വഴിയാണ് ചിത്രം റിലീസ് ചെയ്യുന്നത്. ഇതൊരു അഡല്റ്റ് കോമഡി സിനിമയാണ്. ദയവായി സ്ത്രീകള് ഈ സിനിമ കാണരുത്.' നടി ഷക്കീല സോഷ്യല് മീഡിയകളിലൂടെ അപേക്ഷിച്ചു. ഒരുപാട് കഷ്ടപ്പാടുകള്ക്കും പ്രതിസന്ധിക്കും പിന്നാലെയാണ് സിനിമ എത്തുന്നതെന്നും ഇതു ജനം കാണണം എന്നും താരം അപേക്ഷിക്കുന്നു.
നേരത്തെ ചിത്രത്തിന്റെ സെന്സറിങ് ഉള്പ്പെടെ പല പ്രതിസന്ധികളും നേരിടേണ്ടി വന്നിരുന്നു. ഷക്കീല സമ്പാദ്യമെല്ലാം ഉപയോഗിച്ചാണ് ഈ സിനിമ നിര്മിച്ചത്. ഒപ്പം പലിശയ്ക്കും പണം എടുത്തിരുന്നു. തിയറ്റര് റിലീസ് ബുദ്ധിമുട്ടായതോടെയാണ് ചിത്രം ഓണ്ലൈനില് റിലീസ് ചെയ്യുന്നത്. സിനിമ സ്ത്രീകള് കാണരുതെന്നും ഷക്കീല അഭ്യര്ഥിക്കുന്നു.
50 രൂപ മാത്രമാണ് ടിക്കറ്റ് നിരക്കെന്നും താരം പറയുന്നു. ജൂലൈ 20 ന് രാത്രി എട്ടിന് ചിത്രം റിലീസ് ചെയ്യുമെന്ന് സംവിധായകന് സായ് റാം ദസാരി പറയുന്നു.
