യുവ നടിമാരില് ശ്രദ്ധേയ ആയ താരമാണ് അഹാന കൃഷ്ണ. സോഷ്യല് മീഡിയയില് സജീവമാണ് താരം. താരത്തിന്റേയും സഹോദരിമാരുടേയും വിഡിയോകള് സോഷ്യല് മീഡിയയില് വൈറലാകാറുണ്ട്. തിരുവനന്തപുരത്ത് പ്രഖ്യാപിച്ച ട്രിപ്പിള് ലോക്ക് ഡൗണിനെയും സ്വര്ണവേട്ടയെയും ബന്ധപ്പെടുത്തി അഹാന ഒരു ഇന്സ്റ്റാഗ്രാം പോസ്റ്റ് ഇട്ടിരുന്നു. ഇത് വലിയ വിമര്ശനങ്ങള്ക്കും ട്രോളുകള്ക്കും ഇടയാക്കിയിരുന്നു.
തുടര്ന്ന് ഇതിന് മറുപടിയുമായി യൂട്യൂബ് ചാനലിലൂടെ താരം ഒരു രസകരമായ വീഡിയോ പങ്കുവച്ചിരുന്നു. '' എ ലൗവ് ലെറ്റര് ടു സൈബര് ബുള്ളീസ്'' എന്ന പേരിലാണ് വിഡിയോ അപ്ലോഡ് ചെയ്തത്. അഹാനയുടെ ഈ വീഡിയോ സിനിമാതാരങ്ങളടക്കം ഏറ്റെടുത്തിരുന്നു. പൃഥ്വിരാജ്, ഉണ്ണി മുകുന്ദന് അടക്കമുള്ള യുവാതാരങ്ങള് അഹാനയുടെ വീഡിയോ ഷെയര് ചെയ്തിന്നു.
എന്നാല് ഇപ്പോള് ഇതാ അഹാനയ്ക്ക് മറുപടിയുമായി മോഡലും ആക്ടിവിസ്റ്റുമായ രശ്മി നായര് എത്തിയിരിക്കുകയാണ്. തന്റെ ഫേസ്ബുക്ക് പേജിലൂടെയാണ് രശ്മി തന്റെ വിമര്ശനവുമായി രംഗത്ത് എത്തിയത്. അഹാനയുടെ ഇന്സ്റ്റാ സ്റ്റോറിയും അഹാനയുടെ ചിത്രവും പങ്കുവെച്ചു കൊണ്ടാണ് രശ്മി കുറിച്ചത്. '' നാട് ഒരു മഹാമാരിയെ നേരിടുമ്പോള് കുടുംബത്തിലെ സംഘി സ്വാധീനം കൊണ്ട് പബ്ലിക്' സ്പെയിസില് വന്നു ഇമ്മാതിരി തരവഴിത്തരം പറഞ്ഞാല് നല്ല തെറി ഇനിയും കേള്ക്കും . അത്'സൈബര് ബുള്ളിങ് ആണേല് കണക്കായിപ്പോയി'' എന്നാണ് രശ്മി നായര് സോഷ്യല് മീഡിയയില് കുറിച്ചത്.
