മഹാനടി എന്ന തെലുങ്ക് ചിത്രത്തിലൂടെ ഇന്ത്യൻ സിനിമാപ്രേമികളുടെ മുഴുവൻ ശ്രദ്ധ പിടിച്ചുപറ്റിയ നടിയാണ് കീർത്തി സുരേഷ്. ബാലതാരമായി മലയാളത്തിലാണ് കീർത്തി അഭിനയമാരംഭിച്ചതെങ്കിലും തിളങ്ങാനായത് തമിഴകത്തും തെലുങ്ക് സിനിമകളിലുമാണ്. നടി സാവിത്രിയുടെ ജീവിതകഥ പറഞ്ഞ മഹാനടി എന്ന ചിത്രത്തിലെ ഗംഭീര പ്രകടനം കൊണ്ട് മികച്ചനടിയ്ക്കുള്ള ആ വർഷത്തെ ദേശീയ അവാർഡ് കരസ്ഥമാക്കുകയും ചെയ്തതോടെയാണ് കീർത്തിയുടെ കരിയറിൽ പ്രകടമായ ഉയർച്ചയുണ്ടായത്. ഇപ്പോൾ പുറത്ത് വരുന്ന റിപ്പോർട്ടുകൾ പ്രകാരം കീർത്തി സുരേഷ് തമിഴിൽ കമൽഹാസനൊപ്പം അഭിനയിക്കാൻ ഒരുങ്ങുകയാണെന്നാണ് മനസിലാക്കേണ്ടത്.
നടി എന്ന തെലുങ്ക് ചിത്രത്തിലൂടെ ഇന്ത്യൻ സിനിമാപ്രേമികളുടെ മുഴുവൻ ശ്രദ്ധ പിടിച്ചുപറ്റിയ നടിയാണ് കീർത്തി സുരേഷ്. ബാലതാരമായി മലയാളത്തിലാണ് കീർത്തി അഭിനയമാരംഭിച്ചതെങ്കിലും തിളങ്ങാനായത് തമിഴകത്തും തെലുങ്ക് സിനിമകളിലുമാണ്. നടി സാവിത്രിയുടെ ജീവിതകഥ പറഞ്ഞ മഹാനടി എന്ന ചിത്രത്തിലെ ഗംഭീര പ്രകടനം കൊണ്ട് മികച്ചനടിയ്ക്കുള്ള ആ വർഷത്തെ ദേശീയ അവാർഡ് കരസ്ഥമാക്കുകയും ചെയ്തതോടെയാണ് കീർത്തിയുടെ കരിയറിൽ പ്രകടമായ ഉയർച്ചയുണ്ടായത്. ഇപ്പോൾ പുറത്ത് വരുന്ന റിപ്പോർട്ടുകൾ പ്രകാരം കീർത്തി സുരേഷ് തമിഴിൽ കമൽഹാസനൊപ്പം അഭിനയിക്കാൻ ഒരുങ്ങുകയാണെന്നാണ് മനസിലാക്കേണ്ടത്.
ഗൗതം മേനോൻ സംവിധാനം ചെയ്യുന്ന ചിത്രമായ 'വേട്ടയാട് വിളയാട് ' എന്ന ചിത്രത്തിന്റെ രണ്ടാം ഭാഗത്തിലാണ് കീർത്തി അഭിനയിക്കാനൊരുങ്ങുന്നതെന്നും ചിത്രത്തിൽ കമൽ ഹാസനുണ്ടാകുമെന്നുമാണ് റിപ്പോർട്ടുകൾ. ചിത്രത്തിൽ സുപ്രധാന വേഷത്തിലാണ് കീർത്തി എത്തുന്നത്. ആക്ഷൻ ത്രില്ലർ വിഭാഗത്തിൽ പെടുന്ന ഈ ചിത്രം നിർമ്മിക്കുന്നതും ഗൗതം മേനോൻ തന്നെയാണ്.
2006 ൽ പുറത്തിറങ്ങിയ 'വേട്ടയാട് വിളയാട് ' സംവിധാനം ചെയ്തതും ഗൗതം മേനോൻ ആയിരുന്നു. ഇപ്പോൾ ചിത്രീകരണം പുരോഗമിക്കുന്ന രജിനികാന്തിൻ്റെ നൂറ്റി അറുപത്തിയെട്ടാം ചിത്രമായ 'അന്നാട്ടെ'യിലാണ് കീർത്തി അഭിനയിക്കുന്നത്. ദേശീയ അവാർഡ് തേടിയെത്തിയ ശേഷം കീർത്തിയ്ക്ക് കൈ നിറയെ അവസരങ്ങളാണ്. വിജയ്, വിക്രം, സൂര്യ, പവൻ കല്യാൺ തുടങ്ങി തെലുങ്കിലെയും തമിഴിലെയും മുൻനിര നായകന്മാർക്കൊപ്പം കീർത്തി സുരേഷ് അഭിനയിച്ചു കഴിഞ്ഞു, ഒപ്പം സ്ത്രീ കേന്ദ്രീകൃത കഥ പറഞ്ഞ ചിത്രത്തിലും കീർത്തി നായികയായി. അടുത്തിടെയായി കീർത്തി തുടർച്ചയായി അഭിനയിക്കുന്നത് തെലുങ്ക് സിനിമകളിലാണ്.
സംവിധായകൻ തേജ, നടൻ ഗോപിചന്ദിന്റെ നായകനാക്കി ഒരുക്കുന്ന 'അലിവേലുമംഗ വെങ്കടരാമണ' എന്ന ചിത്രമാണ് കീർത്തിയുടേതായി അണിയറയിൽ ഒരുങ്ങുന്ന പുതിയ ചിത്രം. ഇത് കൂടാതെ വെങ്കി അതുലൂരി സംവിധാനം ചെയ്യുന്ന രംഗ് ഡെലോയിലും കീർത്തിയാണ് നായിക. നിതിനാണ് ചിത്രത്തിലെ നായകൻ. ബഹുഭാഷാ ചിത്രമായ പെൻഗ്വിനാണ് കീർത്തിയുടേതായി ഒടുവിൽ റിലീസ് ചെയ്ത ചിത്രം.
