തിരുവനന്തപുരം: സംസ്ഥാന സര്ക്കാര് ജീവനക്കാരുടെയും അധ്യാപകരുടെയും ശമ്പള പരിഷ്കരണത്തിന് ശിപാര്ശ ചെയ്യാന് നിയോഗിച്ച 11ാം കമ്മീഷന്റെ കാലാവധി നീട്ടിനല്കാന് ഇന്നു ചേര്ന്ന മന്ത്രിസഭാഗ യോഗത്തില് തീരുമാനം. ധനബില് പാസാക്കാനുള്ള സമയം നീട്ടുന്നതിനുള്ള ഓര്ഡിനന്സും മന്ത്രിസഭാ യോഗം പാസാക്കി.
2019 നവംബര് 19നാണ് കെ.മോഹന്ദാസ് അധ്യക്ഷനായ 11ാം ശമ്പള പരിഷ്കരണ കമ്മീഷനെ സര്ക്കാര് നിയമിച്ചത്. ആറുമാസമായിരുന്നു കമ്മീഷന്റെ കാലാവധി. ഇത് നാലു മാസം കൂടി നീട്ടി കാലാവധി ഡിസംബര് 31 വരെയാണ് നീട്ടിയിരിക്കുന്നത്. ധനബില് പാസാക്കാനുള്ള സമയം നീട്ടുന്നതിനു നിലവിലെ നിയമത്തില് ഭേദഗതി വരുത്തി. 90 ദിവസത്തിനകം ധനബില് പാസാക്കണമെന്നായിരുന്ന നിയമമാണ് 180 ദിവസമായി നീട്ടിയത്.
കൊവിഡ് പശ്ചാത്തലത്തില് വീഡിയോ കോണ്ഫറന്സ് വഴിയാണ് മന്ത്രിസഭാ യോഗം ചേര്ന്നത്. മുഖ്യമന്ത്രിയും മന്ത്രിമാരും അവരവരുടെ ഓഫീസിയോ വസതിയിലോ ഇരുന്നാണ് മന്ത്രിസഭാ യോഗത്തില് പങ്കെടുത്തത്.
